Biełarusu, jakomu pahražaje paralič paśla źbićcia siłavikami ŭ 2020-m, sabrali bolš za 65 tysiač złotych
«Tysieŭ Vital — dobry čałaviek, muž, jaki kachaje i vierny siabar. Jaho žyćcio — niezasłužany pastajanny i nievynosny bol. Niahledziačy na pakuty, surjoznyja prablemy sa zdaroŭjem i asabistyja ciažkaści, Vital zaŭsiody dapamahaŭ kožnamu i praciahvaje dapamahać, kali dazvalaje zdaroŭje», — pišuć aŭtary abvieščanaha zboru.
U žniŭni 2020-ha Vitala zatrymali padčas pratestaŭ i žorstka źbili. U jaho pačaŭ raźvivacca ahresiŭny ankiłazirujučy spandylit (autaimunnaja chvaroba złučalnaj tkanki), zraślisia sustavy pazvanočnika i inšyja sustavy. Napiaredadni paŭtornaha zatrymańnia jon paśpieŭ źjechać u Polšču.
Praviedzienaja ŭ Polščy poŭnaja dyjahnostyka pazvanočnika pakazała, što Vitalu terminova patrebnaja apieracyja pa rekanstrukcyi.
Usia apieracyja abydziecca ŭ 81281 złoty (+ kala 30% zvyš hetaj sumy treba mieć dadatkova na vypadak fors-mažornych abstavin).
Vital adkryŭ zbor tolki na 35 000 złotych — jak pišuć u kamientaryjach arhanizatary, mužčynie było niajomka prasić u ludziej dapamohi na ŭsiu sumu: jon i jaho blizkija źbiralisia ŭziać kredyt, kab chapiła na apieracyju.
Ciapier na jaho rachunku bolš za 65 tysiač złotych. Ale jamu jašče možna dapamahčy.
«Ja chaču padziakavać usim nieabyjakavym ludziam. Vielmi ŭsim vam dziakuju, bo nadziei, kali ščyra, u mianie ŭžo nie było. Ja ŭžo apuściŭ ruki. Da nas učora taksama źviarnuŭsia fond BY_help, my havaryli z Alaksiejem Lavončykam. Jon paabiacaŭ zakryć usiu sumu, kali sabranych hrošaj nie chopić», — skazaŭ «Radyjo Svaboda» Vital Tysieŭ.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary