Rehistracyja na CE pačałasia 1 krasavika. Ispyty projduć u mai
Rehistruje navučencaŭ na centralizavany ekzamien kamisija ŭstanovy adukacyi. Navučencam nikudy jeździć dla hetaha nie treba.
Dla ŭdziełu ŭ asnoŭnym dni praviadzieńnia centralizavanaha ekzamienu rehistracyja budzie pravodzicca z 1 pa 20 krasavika 2023 hoda, paviedamlaje Ministerstva adukacyi RB.
Źmiena źviestak adnosna vybranych navučalnych pradmietaŭ, movy nadańnia ekzamienacyjnych materyjałaŭ paśla rehistracyi niemahčymaja.
Dla rehistracyi vučniam nieabchodna mieć pry sabie pašpart.
Centralizavany ekzamien u Biełarusi projdzie sioleta ŭpieršyniu — jon zamienić vypusknyja vyprabavańni ŭ 11 kłasie.
CE praviaduć pa dvuch pradmietach — ruskaj abo biełaruskaj movie i lubym inšym pradmiecie na vybar (matematycy, bijałohii, fizicy i hetak dalej).
Asnoŭnyja terminy zdačy «moŭnych» ekzamienaŭ — 14 maja, reziervovyja — 23 maja i 21 žniŭnia.
Pa inšych pradmietach asnoŭnyja terminy — 21 maja, reziervovyja daty — 25 maja i 23 žniŭnia.
Vyniki CE možna budzie vykarystoŭvać pry pastupleńni ŭ VNU.
Kali dla padačy dakumientaŭ va ŭniviersitet spatrebicca treci ekzamien, jaho možna zdać u vyhladzie CT.
Repietycyjny centralizavany ekzamien: što treba viedać 11-kłaśnikam i ich baćkam
Pryznačany daty centralizavanaha teściravańnia ŭ 2023 hodzie
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary