Japonskaja palicyja aryštavała dvuch mužčyn za «sušy-teraryzm»
Japonskaja palicyja aryštavała dvuch mužčyn, jakija raźmiaścili ŭ sacyjalnych sietkach videa, na jakim adzin ź ich jeść marynavany imbir pałačkami prosta z ahulnaha kantejniera ŭ viadomaj sietcy restaranaŭ Yoshinoya. Videa, u jakich karystalniki parušajuć hihijenu kaviarań, — daloka nie pieršaje. Takija pavodziny viadomyja ŭ Japonii jak «sušy-teraryzm».
Palicyja prefiektury Osaki ŭ sieradu paviedamiła, što Ru Simadzu i Tasichide Oka byli aryštavanyja pa padazreńni ŭ pieraškodzie viadzieńniu biznesu, a taksama ŭ źniščeńni i zabrudžvańni majomaści.
Na videa, jakoje źniaŭ Oka i apublikavaŭ u sacyjalnych sietkach, vidać, jak Simadzu trymaje kantejnier ź imbiram kala samaha rota i pałačkami zhrabaje ŭ rot marynavany imbir. Hetym jon parušaje praviły restaracyi, bo klijenty pavinny vykarystoŭvać nie ŭłasny, a prapanavany posud, kab dadać imbir u stravu.
Simadzu skazaŭ palicyi, što chacieŭ raśśmiašyć ludziej. Oka skazaŭ, što zaklikaŭ Simadzu zrabić štości śmiešnaje, i potym padzialiŭsia videa, bo jano było zabaŭnaje i jon chacieŭ, kab ludzi jaho ŭbačyli, paviedamiła palicyja. Abodva mužčyny skazali, što jany ničoha nie majuć suprać restarana.
Palicyja aryštavała 35-hadovaha Simadzu ŭ sakaviku i 34-hadovaha Oka na hetym tydni. Abodva pryznali vystaŭlenyja suprać ich abvinavačańni.
Kali mužčyn pryznajuć vinavatymi ŭ pieraškodzie viadzieńniu biznesu, to im moža pahražać da troch hadoŭ turemnaha źniavoleńnia i štraf pamieram da 500 000 ijen (3800 dalaraŭ ZŠA), a za źniščeńnie majomaści — da troch hadoŭ turmy i štraf pamieram da 300 000 ijen (2280 dalaraŭ ZŠA).
Takija aryšty adbyvajucca ŭ Japonii pa miery taho, jak padobnyja dziejańni, źviazanyja ź ježaj, jakija ŭ siecivie nazyvajuć #sushitero abo #sushiterrorism, stanoviacca ŭsio bolš zvykłaj źjavaj. Raniejšyja rozyhryšy datyčyli takich restaracyj, jak Kura Sushi, Sushiro i Hamazushi, pradstaŭniki jakich napisali zajavy ŭ palicyju.
Naprykład, u videa pra kulinarnaje złačynstva, jakoje było prahledžana ŭ tvitary amal 40 miljonaŭ razoŭ, pakazana, jak padletak ablizvaje nakryŭku supolnaj butelki sojevaha sousu i ŭvieś kraj kubka, jakija potym znoŭ stavić na palicu.
«Ja viedaju, što ludzi z-za miažy ź nieciarpieńniem čakajuć mahčymaści pakaštavać tut sušy, tamu, jak japoncy, mnie soramna za takija dziejańni», — skazała Bi-bi-si japonka Jukary Tanaka.
Inšyja kažuć, što jany «krychu napałochanyja» hetaj tendencyjaj, pryznaŭšy, što mienš achvotna chodziać u restarany.
Pry hetym ahulnaviadoma, što Japonija słavicca svaimi strohimi standartami čyścini i etykietu.
Čytajcie jašče:
Nikoli nie rabicie hetaha ŭ haściach
Pra što nie raskaža ściuardesa: što varta viedać pra hihijenu i ježu ŭ samalocie
«Šykoŭnym damam — šykoŭnyja sušy». U Minsku dziejničaje premium-dastaŭka rołaŭ. Jak heta pracuje
-
Pry vialikim marozie kipień zamiarzaje imhnienna. Viedajučy heta, ludzi ładziać zimovyja fiejervierki VIDEA
-
Nievierahodnaja historyja pra dabryniu: kab zabrać chvoruju dziaŭčynku z maci, va Ukrainie ciahnik zrabiŭ prypynak pa-za raskładam
-
«Ty pamior?» Dziŭny kitajski mabilny dadatak niečakana staŭ virusnym
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary