Alaksiej Dziermant u pošukach vorahaŭ vyjšaŭ na samoha siabie ŭ maładości
Viadomy prałukašenkaŭski i prarasijski prapahandyst Alaksiej Dziermant u svaim telehram-kanale padzialiŭsia nazirańniem, što «ŭ Biełarusi ŭsio jašče zastajucca nievialikija napaŭpadpolnyja nacyjanalistyčnyja siekty, prynamsi, u publičnym poli». Pikantnaść u tym, što publičny danos jon zrabiŭ na toj intelektualny kirunak, la vytokaŭ jakoha sam doŭha stajaŭ i jaki doŭhi čas asacyjavaŭsia pieradusim ź jahonym imieniem.
Apałčyŭsia prapahandyst na, jak jon vykazaŭsia, «siektu pralitoŭskich nacyjanalistaŭ-nieapahancaŭ Svajksta», jakim «vielmi nie padabajecca jeŭrazijstva i ŭschodniesłavianskaja (ruskaja) identyčnaść».
Dziermant, jaki ŭ maładości sam usim hetym, miakka kažučy, hrašyŭ (sam jon heta akreślivaje tak: «ja ŭ bałta-słavianskim pytańni ŭ svoj čas hłyboka razabraŭsia»), ciapier «pryjšoŭ da vysnovy, što teoryja «bałckaha substratu» maje patrebu ŭ surjoznaj karekciroŭcy — sami «bałty» evalucyjanavali ŭ słavian i ŭ biełarusaŭ/ruskich, niama pamiž imi nijakaha razryvu».
«Bałcki šlach», pavodle siońniašniaha Dziermanta, — heta «šlach pavolnaha pamirańnia», u toj čas jak «słavianski — žyćcia i raźvićcia».
A «pieryfieryjny nacyjanalizm reliktavych narodaŭ (litoŭcaŭ i łatyšoŭ) dla biełarusaŭ abierniecca strataj enierhii dla raźvićcia i vymirańniem — tym, što adbyvajecca ź imi ŭžo na praciahu tysiačy hadoŭ». Kaliści jon hetak ža sama horača i z takim samym impetam adstojvaŭ zusim procilehłaje.
Pra pakručastuju idejnuju evalucyju adnaho z najadyjoźniejšych kleŭretaŭ ciapierašniaha režymu čytajcie bolš pa spasyłcy:
Dziermant: mietamarfozy. Jak nieanacyst i pahaniec palubiŭ Łukašenku, Rasiju i vajnu
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im9
Kamientary