Vyjšaŭ pieršy film-bijahrafija pra ŭradženku Baranavičaŭ Valeryju Navadvorskuju. Jaho možna pahladzieć na jutubie
Dakumientalny film «Biełaje palito» — pieršaja kinabijahrafija aktyvistki i pravaabaroncy Valeryi Navadvorskaj, jakaja naradziłasia i rasła ŭ Baranavičach. Rezkija słovy i acenki hałoŭnaj antysavietčycy Rasii Navadvorskaj nakont rasijskich uład i asabista Uładzimira Pucina ciapier usprymajucca jak prarockija.
«U nas ciapier vajskovaja dyktatura, prykrytaja psieŭdademakratyjaj, jakaja nie pracuje. Nie moža zachavacca palityčnaja svaboda ŭ krainie, jakaja hałasuje za vajennaha złačyncu», — havaryła Navadvorskaja jašče ŭ 2000 hodzie. Ciapier šmat chto kaža, što jana mieła racyju.
Navadvorskaja vyjšła na svaju pieršuju akcyju suprać savieckaj ułady ŭ 19 hadoŭ. Jana była padvierhnutaja karnaj psichijatryi. Navadvorskaja stała simvałam baraćby za spraviadlivaść i abjektam kpinaŭ.
«Film «Biełaje palito» daśleduje nie tolki prafiesijny šlach Navadvorskaj, ale i jaje niepubličny vobraz, jaki ŭsie hetyja hady zastavaŭsia za kadram. Jaje balučyja adnosiny ź siamjoj, jakaja nie razumieła i nie padtrymlivała. Jaje kachańnie. Jaje žarści — akramia štodzionnaha supracivu podłaści i chłuśni.
Heta karcina ab biasstrašnaści, achviarnaści, adzinocie i ab dziŭnych viaščunstvach Valeryi Navadvorskaj, jakaja pradkazała dyktaturu, jakaja ŭžo farmavałasia, restaŭracyju savieckaha ładu i vajnu», — piša «Miaduza», jakaja i apublikavała film.
Kamientary
"Rassuždaja o situacii v Biełarusi, biełorusskoj oppozicii i nacionalistach iźviestnaja sovietskaja diśsidientka i pravozaŝitnica Valerija Novodvorskaja vyskazała mnienije, čto niekohda lidier biełorusskoj oppozicii Zienon Poźniak "umier" v tot dień, kohda "ispuhałsia za svoju drahociennuju žizń i emihrirovał"
ale što vam zaraz da taho... vy ž nie kachajecie bolš jaho... u 20 vy raptoŭna zakachalisia ŭ śvietu)
Žir, jak dumajecie, što b skazała Navadvorskaja pra novaje kachańnie vaša?)