Niekalkich supracoŭnikaŭ Połackaha historyka-kulturnaha zapaviednika vyzvalili paśla aryštaŭ
Jak daviedałasia vydańnie «Pozirk», u Połacku vyzvalili piaciarych ludziej, zatrymanych 29 i 30 sakavika padčas abłavy ŭ Połackim historyka-kulturnym zapaviedniku. Miarkujučy pa datach vyzvaleńnia, usim było pryznačana pa 15 sutak.
13 krasavika vyzvalili zahadčycu navukova-ekspazicyjnaha adździeła Tamaru Džumantajevu, fatohrafa Kiryła Smalakova i elektryka Piatra Hajdukova.
14 krasavika na voli apynułasia staršaja navukovaja supracoŭnica Połackaj mastackaj halerei Alaksandra Kaściukievič. Taksama vyzvalili byłuju supracoŭnicu Alenu Chodzikavu, jakaja zvolniłasia z zapaviednika pa ŭłasnym žadańni.
Niekatoryja z zatrymanych u tyja dni praciahvajuć znachodzicca ŭ niavoli. 10 krasavika sud Navapołacka aryštavaŭ jašče na 13 sutak pavodle č. 1 art. 24.23 KaAP (parušeńnie paradku arhanizacyi abo praviadzieńnia masavych mierapryjemstvaŭ) kandydata fiłasofskich navuk Ihara Bortnika. A 11 krasavika Navapołacki haradski sud pryniaŭ rašeńnie jašče na 15 sutak aryštavać navapołackaha fatohrafa Ihara Supranionka.
Kamientary