Častku zatrymanych supracoŭnikaŭ Połackaha muzieja-zapaviednika vyzvalili. Ale kanfiskavali techniku i pryznačyli sudy
Napiaredadni ŚMI paviedamlali pra zatrymańnie vaśmi supracoŭnikaŭ muzieja. Siarod ich były dyrektar ustanovy Tamara Džumantajeva i kandydat fiłasofskich navuk Ihar Bortnik.
«U asnoŭnym žančyn vypuścili da viečara 29 sakavika, — paviedamiła «Pozirku» krynica, jakaja pažadała zastacca ananimnaj.
Pavodle jaje słovaŭ, Ihara Bortnika zatrymali na pracy i vyvodzili z budynka ŭ kajdankach. Ranicaj 30 sakavika jon nie ź`iaviŭsia na pracy.
Pavodle nieaficyjnaj infarmacyi, zatrymanych abvinavačvajuć u «raspaŭsiudžvańni ekstremisckich materyjałaŭ», a taksama kamientaryjach i łajkach u sacsietkach i mesendžarach. Bortnik znachodzicca ŭ Navapołackim centry izalacyi pravaparušalnikaŭ.
Taksama, pa našaj ułasnaj infarmacyi, siłaviki prychodzili siońnia ŭ muziej znoŭ i zatrymlivali jašče dvuch čałaviek.
Taksama viadoma pra zatrymańnie dvuch navapołackich fatohrafaŭ — Ihara Supranionka i Kiryła Smalakova.
Supranionka zatrymali 29 sakavika, jak paviedamiła krynica, «pa kryminalnym artykule».
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni9
Kamientary