Navukoŭcu Iharu Bortniku dali novy administracyjny termin — 13 sutak
Siońnia ŭ Połacku adbyŭsia novy sud nad supracoŭnikam Muzieja biełaruskaha knihadrukavańnia, kandydatam fiłasofskich navuk Iharam Bortnikam. Hetym razam jamu da adsiedžanych raniej 10-ci dadali jašče 13 sutak.
Sudzili navukoŭca hetym razam nibyta za «pikietavańnie», havorka idzie pra avatarki ŭ sacyjalnych sietkach.
Były vykładčyk Połackaha dziaržaŭnaha ŭniviersiteta, a paśla supracoŭnik Muzieja biełaruskaha knihadrukavańnia Ihar Bortnik byŭ zatrymany 29 sakavika padčas abłavy ŭ Połackim historyka-kulturnym muziei-zapaviedniku, pad jakuju patrapiła amal dva dziasiatki čałaviek. Ludziej zatrymlivali metanakiravana pa śpisach i adrasach. Siarod inšych pad represii patrapiła kiraŭnictva čatyroch muziejaŭ, jakija ŭvachodziać u skład Połackaha historyka-kulturnaha zapaviednika. Adnačasova zatrymańni vialisia siarod aktyŭnych ludziej Navapołacka.
Viadoma, što Ihar Bortnik maje surjoznyja prablemy sa zdaroŭjem, u jaho była doŭhaja i składanaja reabilitacyja paśla nie vielmi ŭdałaj apieracyi pa lačeńni mižpazvanočnaj hryžy. Ciapier u mužčyny balić śpina, siadzieć bolš za paŭhadziny jon nie moža, treba ŭstavać i ruchacca.
Daviedki ab stanie jaho zdaroŭja padavalisia ŭ sud, ale ich pad uvahu nie pryniali.
Čytajcie taksama:
Praciahvajucca sudy nad supracoŭnikami Połackaha historyka-kulturnaha muzieja-zapaviednika
Stali viadomyja prysudy niekatorym połackim muziejščykam, a taksama śpis zatrymanych
Prajšli pieratrusy i zatrymańni siarod połackich muziejščykaŭ
Palitołah Alina Charysava pahadziłasia supracoŭničać z SBU. Akazałasia, heta było KDB36
Kamientary