U Bučy na vulicy biełaruskaha dobraachvotnika pastavili miemaryjał abaroncam horada
Miemaryjał da hadaviny vyzvaleńnia Bučy ad rasijskich vojskaŭ ustalavany na vulicy, u naźvie jakoj uviekaviečanaje imia vajara-kalinoŭca Illi «Litvina» Chrenava. Jon zahinuŭ, baroniačy hety zachodni pryharad Kijeva.
Nazvać vulicu imiem biełaruskaha dobraachvotnika, na jakoj jon zahinuŭ, pastanaviła haradskaja rada Bučy 12 krasavika, a pra ŭstanoŭku miemaryjała 19 krasavika paviedamiŭ «Našaj Nivie» sakratar Rady Taras Šapraŭski.
«Da novaha miemaryjała prylahaje vulica Litvina», — patłumačyŭ jon i supravadziŭ svoj kamientar malunkam.
Raniej Bučynskaja rada paśmiarotna ŭznaharodziła vajara-kalinoŭca miedalom «Zachiśnik Baťkivŝini».
Letaś u vieraśni haradskaja rada Bučy ŭznaharodziła niekalkich vajaroŭ Pałka Kalinoŭskaha miedalom «Za abaronu Bučy» — Dzianisa «Kita», Alaksieja «Psichołaha» i, paśmiarotna, Illu «Litvina».
Illa «Litvin» Chrenaŭ abaraniaŭ niezaležnaść Ukrainy ŭ 2014 hodzie, a ŭ 2022-m viarnuŭsia na front. Ën zahinuŭ pad Bučaj 4 sakavika 2022 hoda.
Buču ŭkrainskija vojski advajavali 31 sakavika 2022 hoda. Pad akupacyjaj horad znachodziŭsia ad 27 lutaha 2022-ha.
Pa vyzvaleńni ŭ im byli znojdzienyja šmatlikija trupy žycharoŭ z prykmietami katavańniaŭ. U 90% zahinułych vyjaŭlenyja kulavyja, a nie askiepkavyja ranieńni.
«Naša Niva» — bastyjon biełaruščyny
PADTRYMAĆHladzicie taksama:
«Rasiejcy, jak u Druhuju suśvietnuju, trupami vajujuć». Dzianis Urbanovič znoŭ jedzie na front
Ciapier čytajuć
Žonku adnaho z hałoŭnych turemščykaŭ Biełarusi pasadzili ŭ kałoniju za ŭdzieł u pratestach5
Kamientary
što heta?
heta vyhladaje, jak tannaja instalacyja dziela pryjezdu niejkich tam asob...
nie bolš za toje
https://dck8xvlq18iei.cloudfront.net/314880