U Minsku chočuć pavialičyć kolkaść kamier videanazirańnia ŭ piać razoŭ
Načalnik HUUS Minharvykankama Michaił Hryb u detalach raspavioŭ haziecie «Na stražie» pra toje, jak pracuje sistema sačeńnia ŭ Minsku.
Pavodle jaho słoŭ, siońnia ŭ stalicy ŭstalavana bolš za šeść tysiač kamier, i ŭ płanach pašyryć hetuju sietku da 30 tysiač.
«Minsk — adziny ŭ krainie horad, dzie ŭ milicyi jość ułasnaja słužba videanazirańnia. Jana achoplivaje ŭsie stancyi mietro, vakzały, bujnyja spartyŭnyja abjekty i handlovyja centry, zabaŭlalnyja ŭstanovy, AZS.
Vyjavy z bolš čym 1100 kamier, padklučanych da respublikanskaj sistemy manitorynhu, pieradajucca ŭ słužbu videanazirańnia HUUS i tranślujucca ŭ režymie anłajn na videaścianu z 24 ekranaŭ. Dziakujučy hetamu, supracoŭniki, nacisnuŭšy ŭsiaho niekalki kłaviš, mohuć adšukać parušalnika navat u płyni ludziej i mašyn», — apisvaje miechanizm sačeńnia Michaił Hryb.
Jon praanansavaŭ taksama stvareńnie ŭ bližejšyja miesiacy asobnych padraździaleńniaŭ na bazach RUUS, jakija buduć śpiecyjalizavacca na pracy z dronami.
Aproč inšaha, zhadvajecca ab stvareńni asobnaj hrupy manitorynhu vulic Zybickaj i Revalucyjnaj u Centralnym rajonie Minska, dzie skancentravanaja vialikaja kolkaść baraŭ i restaranaŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary