Rasijanie atakavali Kijeŭ «Šachiedami». Usie varožyja drony byli źbityja
Kijeŭ hetaj nočču, 3 maja, atakavali drony-kamikadze typu «Šachied». Siły supraćpavietranaj abarony USU źbili ŭsie varožyja bieśpiłotniki. U vyniku pavietranaj ataki praciŭnika achviar i razbureńniaŭ u stalicy niama, paviedamlaje RBK-Ukraina.
Pryčym ciapierašniaja pavietranaja ataka Kijeva z boku rasijskich vojskaŭ stała treciaj za apošnija šeść dzion.
«Hetym razam Kijeŭ byŭ atakavany vyklučna dronami. Pavodle papiaredniaj infarmacyi, rašysty, jak zvyčajna, vykarystoŭvali iranskija BPŁA «Šachied», — raspavioŭ kiraŭnik Kijeŭskaj vajennaj administracyi Siarhiej Papko.
Čynoŭnik źviarnuŭ uvahu, što taktyka praciŭnika zastajecca niaźmiennaj, i ataki ažyćciaŭlajucca z nadychodam ciomnaha času sutak, pry hetym RF zapuściła bieśpiłotniki z roznych napramkaŭ.
«Pavodle papiaredniaj infarmacyi, u pavietranaj prastory vakoł stalicy byli vyjaŭlenyja i źbityja ŭsie varožyja celi. Danyja apieratyŭnaj zvodki na hety momant — biez achviar i razbureńniaŭ. Infarmacyja ŭdakładniajecca», — skazaŭ Papko.
Taksama čynoŭnik padziakavaŭ Siłam supraćpavietranaj abarony za vydatnuju i prafiesijnuju słužbu.
«Vy čarhovy raz vyratavali žyćci kijeŭcaŭ i infrastrukturu horada! Słava Ukrainie!» — adznačyŭ Papko.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy22
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary