Novym hałoŭnakamandujučym USU staŭ hienierał-major Michaił Drapaty. Čym jon viadomy?
43‑hadovy Michaił Drapaty, novy hałoŭnakamandujučy USU, pryznačany zamiest Alaksandra Syrskaha, asabista kiravaŭ hrupaj BMP, jakaja ŭ 2014 hodzie źniščyła barykady rasijskich šturmavikoŭ u Maryupali.
43‑hadovy hienierał-major Michaił Drapaty — vypusknik Nacyjanalnaha ŭniviersiteta abarony Ukrainy imia Čarniachoŭskaha. Pa adukacyi jon tankist. U bajavych dziejańniach jon udzielničaje z samaha ich pačatku ŭ 2014 hodzie.
U pačatku Antyterarystyčnaj apieracyi (ATA) Drapaty kamandavaŭ bataljonam 72‑j asobnaj miechanizavanaj bryhady. 9 maja 2014 hoda bataljon pad jaho kamandavańniem vykanaŭ bajavoje zadańnie ŭ Maryupali.
U červieni 2014‑ha jon udzielničaŭ u rejdzie ŭzdoŭž miažy z Rasijaj, utrymlivaŭ Savur-mahiłu i ździejśniŭ paśpiachovy praryŭ praz «Izvarynski kacioł». Cikavy fakt — Michaił Drapaty znachodziŭsia ŭnutry «latučaj BMP», jakaja razburyła barykadu, zbudavanuju rasijanami ŭ Maryupali.
U 2016 hodzie Drapaty staŭ načalnikam štaba i pieršym namieśnikam kamandzira 30‑j asobnaj miechanizavanaj bryhady, u 2016‑2019 hadach byŭ kamandziram 58‑j asobnaj motapiachotnaj bryhady.
Padčas kontrnastupleńnia USU na poŭdni Ukrainy vosieńniu 2022 hoda kamandavaŭ apieratyŭnaj hrupoŭkaj vojskaŭ «Chierson», braŭ niepasredny ŭdzieł u vyzvaleńni Chiersona. U lutym 2024‑ha jaho pryznačyli namieśnikam načalnika Hienštaba USU, u mai pryznačany kamandujučym apieratyŭna-taktyčnaj hrupoŭkaj «Charkaŭ», a ŭ listapadzie — kamandujučym Suchaputnymi vojskami USU.
20 kastryčnika 2025 hoda Michaił Drapaty ŭznačaliŭ Hrupoŭku abjadnanych vojskaŭ.
Syrski zvolnieny z pasady hałoŭnakamandujučaha USU
Ukrainskaje vydańnie patłumačyła sutnaść pretenzij da hałoŭnakamandujučaha Syrskaha
Syrski: Ja i nie viedaŭ, što ŭ nas ź Fiodaravym kanflikt, ale prašu prabačeńnia
Zialenski pravioŭ kansultacyi z kamandzirami karpusoŭ i doŭha razmaŭlaŭ ź Fiodaravym. Fiodaraŭ: Dyjałoh jość, vieru, što ŭsio ŭdasca
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
))) Da Mišy Fiedarava " drony vyrašać ŭsie" ulubleniec 2-3 tydnia Lešarestovič )))
Ab Drapatam kazali viedali jašče z 2014
Drapaty vajskoviec ni publičny ..
???? kamandzir ????3 šturmavoj Bilecki heta miedijnaja stvoranaja piersona ni vajskovy .z sumnieŭnaj reputacyjej
Zrazumieła abrany ni publičny majuščy aŭtarytet siarod vajskovych Drapaty i viadomaść u narocie