Z-za kancerta Rammstein na dva tydni začyniać častku hałoŭnaha parku Vilni
Vilenskaja abščyna žycharoŭ rajona Naŭjamieścis ździŭlenaja: za dva tydni da kancerta Rammstein zakryta častka terytoryi ŭ parku Vinhis. Arhanizatary adznačyli, što heta budzie samy hrandyjozny kancert, jaki kali-niebudź adbyvaŭsia ŭ Litvie, tamu patrebna padrychtoŭka, piša Delfi.lt.
Kancert adbudziecca 22 maja, a terytoryja vakoł estrady abharodžana ŭžo ciapier. Kiraŭnik kampanii Live Nation Lietuva, jakaja arhanizoŭvaje kancert, Alaksandr Karablikaŭ skazaŭ Delfi, čamu padrychtoŭka da kancerta Rammstein zojmie dva tydni.
«Kancert Rammstein u parku Vinhis budzie najbujniejšym kancertam, jaki kali-niebudź prachodziŭ u Litvie, padrychtoŭka da jaho budzie praciahłaja i karpatlivaja. Z aŭtorka ŭ parku abharodžana tolki nievialikaja terytoryja (na heta atrymany nieabchodnyja dazvoły) kala estrady», — skazaŭ kiraŭnik Live Nation Lietuva.
Vilenski municypalitet paviedamlaje, što padčas padrychtoŭki da kancerta budzie abmiežavany ruch piešachodaŭ i transpartu.
«Spačatku budzie abharodžana terytoryja vakoł estrady, tut ruch piešachodaŭ budzie zabaronieny da 24 maja. Aharodžanuju terytoryju pavialičać 16—23 maja. Na hety čas zdymuć zaharody, jakija abmiažoŭvajuć prajezd u park Vinhis transpartu, ale ŭjezd budzie dazvoleny tolki słužbovamu transpartu», — raskazali ŭ municypalitecie.
Paviedamlajecca, što na častcy vulic budzie ŭviedzieny adnabakovy ruch.
Hienieralnaja repietycyja kancerta Rammstein adbudziecca 20 maja z 20:00 da 24:00. U hety čas na aharodžanuju terytoryju buduć prapuskać tolki pa zaprašalnych biletach.
Kancert Rammstein adbudziecca 22 maja z 20:00 da 24:00, hledačoŭ buduć zapuskać z 17:00.
«Paśla kancerta z 00:30 23 maja da 18:00 24 maja budzie pravodzicca demantaž kanstrukcyj.
Rammstein pačnie svaje hastroli pa Jeŭropie ŭ 2023 hodzie mienavita ź Litvy — heta budzie adziny kancert hurta ŭ krainach Bałtyi.
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary