AAN uražanaja dasiahnieńniami Biełarusi va ŭstojlivym raźvićci i choča bačyć Łukašenku na samicie ŭ Ńju-Jorku
Hienieralny sakratar AAN Antoniu Huteryš źbirajecca zaprasić Alaksandra Łukašenku na samit pa Metach ustojlivaha raźvićcia ŭ Ńju-Jorku, jaki pavinien adbycca ŭ vieraśni. Pra heta zajaviła rehijanalnaja dyrektarka pa Jeŭropie i Centralnaj Azii Upraŭleńnia AAN pa kaardynacyi dziejnaści ŭ metach raźvićcia Hvi Jop Son.
«Jon budzie arhanizavany hienieralnym sakratarom AAN. Užo viadoma, što tudy budzie zaprošany kiraŭnik dziaržavy», — zajaviła pradstaŭnica AAN padčas svajoj sustrečy ŭ Minsku z namieśnikam staršyni Savieta Respubliki Valeryjem Bielskim, paviedamiła łukašenkaŭskaja hazieta «SB-Biełaruś siehodnia».
Pa słovach mižnarodnaj čynoŭnicy, u liście-zaprašeńni na imia Łukašenki paznačanyja dźvie prośby z boku hienieralnaha sakratara AAN:
«Prośba ab tym, kab dziaržavy — členy AAN rabili ŭsio nieabchodnaje pa paskareńni dasiahnieńniaŭ Met ustojlivaha raźvićcia.
A taksama pra toje, kab hetaja praca pravodziłasia z ulikam udziełu pradstaŭnikoŭ hramadzianskaj supolnaści, pryvatnaha siektara i ŭrada. My hatovyja ŭsialak padtrymać Respubliku Biełaruś u hetym», — zapeŭniła jana.
Taksama Hvi Jop Son sustrełasia sa staršynioj Biełstata i była rada pačuć pra «nadzvyčajny prahres, jaki byŭ dasiahnuty Respublikaj Biełaruś na roznych frantach».
Na jaje dumku, toje, jakich pośpiechaŭ dasiahnuła Biełaruś u dasiahnieńni Metaŭ ustojlivaha raźvićcia — «vydatny prykład taho, jak moža pracavać kraina. Ja liču, što hety vopyt možna vykarystoŭvać u jakaści pieradavoha siarod inšych krain Jeŭropy».
I zaklikała łukašenkaŭskuju Biełaruś być bolš ambicyjnaj.
Ciapier čytajuć
Delehatka KR Karpušonak paśla maŭčańnia apublikavała videa12
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary