Na minskim rynku źjavilisia pieršyja stolinskija ahurki. Pačym pradajuć?
Na minskim Zachodnim rynku ŭžo pradajuć pinskija i stolinskija ahurki.
Fota: Tochka.by
Ceny z Zachodniaha rynku pryvodzić Tochka.by.
Košt fiermierskich ahurkoŭ tam pakul vyšejšy, čym mahazinnych.
Na rynku ahurki ź Pinska i Stolina pradajuć pa 6—7 rubloŭ za kiło.
Na pytańnie, kali čakać źnižeńnia cany, adzin z pradaŭcoŭ, jon ža fiermier, adkazvaje tak:
«Tut nie adhadaješ. Bačycie, maj chaładnavaty, a značyć i rost ahurkoŭ pavolny. Časam ceńnik padaje ŭžo ŭ červieni, a časam tolki ŭ lipieni. Ale ŭ lubym vypadku cana ahurkoŭ budzie padać, a na kolki — raz na raz nie prychodzicca».
Razam z tym na Kamaroŭcy možna znajści ahurki za 2,5 rubla, jakija paznačany jak biełaruskija, piša «Anłajnier». Ale i vid u ich inšy. U siarednim kiło ahurkoŭ tam kaštuje 4,5 rubla.
Ahurki na Kamaroŭcy. Fota: «Anłajnier»
Kamientary
bo namolenyja