Na «likvidavanaha» vydaŭca Źmitra Kołasa paviesili sudovyja vydatki za praces, inicyjavany Mininfarmam
Niezaležnaha vydaŭca Źmitra Kołasa abaviazali pakryć vydatki, jakija nibyta paniesła Ministerstva infarmacyi padčas pracedury likvidacyi jaho pryvatnaha biznesu, paviedamlaje Biełaruskaja asacyjacyja žurnalistaŭ.
Niepryjemnym siurpryzam dla vydaŭca akazałasia patrabavańnie Ekanamičnaha suda Minska adnosna kampiensacyi vydatkaŭ, jakija paniesła… Ministerstva infarmacyi.
Jak prahučała ŭ sudzie, sudovyja vydatki viedamstva pa likvidacyi apanienta-pryvatnika skłali 790 rubloŭ.
Na fonie taho, što ŭ vydaŭca zastalisia finansavyja abaviazki za ŭziatyja ŭ pracu zamovy, a taksama nieakreślenaść z realizacyjaj užo nadrukavanych nakładaŭ, ciapierašniaje jaho stanovišča blizkaje da bankructva. Tamu Źmicier Kołas vymušany źviarnucca pa dapamohu, kab prynamsi zakryć pytańni z knihami, padpisanymi da druku.
Jak stała viadoma BAŽ, Kołas abskardžvać rašeńnie suda nie budzie. Pa-pieršaje, z pryčyny «absalutnaj pradkazalnaści» vyniku apielacyi, a pa-druhoje — praź niepadjomnyja materyjalnyja vydatki.
Vydaviectva Źmitra Kołasa ŭ sudovym paradku zakryli 10 maja. Takim čynam, paśla amal 35 hadoŭ u vydavieckaj śfiery Źmicier Kołas vymušany zharnuć dziejnaść.
Pierad hetym vydaviec adbyŭ 10 sutak aryštu ŭ śledčaj turmie KDB, tak zvanaj «amierykancy». Patrapiŭ jon tudy pa sutnaści vypadkova, tamu, što jaho supracoŭnik, drukar Aleh Syčoŭ, byŭ aryštavany pa spravie dyviersii suprać rasijskaha samalota ŭ Mačuliščach.
Ciapier čytajuć
Jak u halečy śpivałasia radnia Łukašenki? Małaviadomyja fakty45
Kamientary