Žonka vyzvalenaha palitviaźnia Kima Samusienki apublikavała fota muža
Kima aryštavali vosieńniu 2020 hoda pa spravie ab uzłomie kampjutarnaj sistemy Minharvykankama.
Jamu prysudzili 6,5 hoda, jaho bratu Alaksieju — 4 hady. Alaksiej całkam adbyŭ termin.
32‑hadovaha zasnavalnika i siabra Rady hramadskaha ruchu «Dzieja» Kima Samusienku zatrymali 3 listapada 2020 hoda pa padazreńni va ŭzłomie kampjutarnaj sistemy Minharvykankama (č. 2 art. 349 KK) i dziejańniach, jakija hruba parušajuć hramadski paradak, u Minsku z 9 žniŭnia (č. 1 art. 342 KK).
Paśla žorstkaha pieratrusu, jaki supravadžaŭsia strełami ŭ domie i prymianieńniem fizičnaj siły, siłaviki zabrali ŭsiu techniku Kima i jaho žonki, zarehistravanuju palaŭničuju zbroju, hrošy, BČB-ściah, ściah Ukrainy, ukrainski pašpart žonki i inšaje. Praz dva dni byŭ zatrymany i brat Kima — 33-hadovy Alaksiej Samusienka. Jon ekanamist, pracavaŭ u sietcy firmaŭ, jakija zajmajucca vyrabami z płastyku.
Taksama pa hetaj spravie asudžanyja 35-hadovyja Pavieł Drozd i Ivan Andrušojć.
Sud prajšoŭ pa šaści artykułach Kryminalnaha kodeksa — č. 1 art. 350 (madyfikacyja kampjutarnaj infarmacyi), art. 352 (niepravamiernaje zavałodańnie kampjutarnaj infarmacyjaj), č. 1 art. 354 (vykarystańnie škodnasnych kampjutarnych prahram), č. 1 art. 342 (aktyŭny ŭdzieł u hrupavych dziejańniach, jakija hruba parušajuć hramadski paradak), art. 341 (psavańnie majomaści ŭ hramadskich miescach), č. 1 art. 13, č. 2 art. 293 (padrychtoŭka da ŭdziełu ŭ masavych biesparadkach) — ciahnuŭsia dva miesiacy ŭ zakrytym režymie.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary