Babaryka raskazaŭ, jak Vaskrasienski prapanoŭvaŭ zapłacić jamu 10 miljonaŭ — i vyjści na svabodu
U novym vypusku TOKu były bankir i pretendent na pasadu prezidenta Viktar Babaryka raskazaŭ pra sustrečy ŭ źniavoleńni ź Juryjem Vaskrasienskim i Ramanam Pratasievičam.
Na pytańnie, ci sapraŭdy padčas źniavoleńnia jamu prapanoŭvali pakajacca, pryznać pieramohu Łukašenki i vyjechać za miažu, Viktar Babaryka adkazaŭ:
«Sa mnoj na hetuju temu niejkija dziŭnyja razmovy viali ŭsiaho tolki dva čałavieki. Heta niezabyŭny Vaskrasienski i jašče mienš zabyŭny Pratasievič».
Sustreča ź pieršym adbyłasia, pa ŭspaminach Babaryki, u 2021 hodzie.
«Ź niejkim vielmi dziŭnym pasyłam ni pra što jon pryjšoŭ. Kaža: moža, chto-niebudź zapłacić za vas miljonaŭ dziesiać — i vas vypuściać».
Ja mocna ździviŭsia i kažu: «A čamu dziesiać? I chto heta pavinien zapłacić?»
Jak adznačaje były bankir, prapanova vyhladała dla jaho davoli niezrazumiełaj.
Što tyčycca sustrečy z Ramanam Pratasievičam, to, jak raskazvaje palityk, toj
«spačatku pryjšoŭ i bieznadziejna skazaŭ: «Nu, ja, kaniečnie, pavinien skazać, što, moža być, jość akno mahčymaściaŭ. Ale ja mocna nie vieru ŭ nieabchodnaść hetaha».
Babaryka zhadvaje, što na heta jon kiŭnuŭ, zaŭvažyŭšy: «Napeŭna, vy majecie racyju».
«Voś, ułasna, dźvie takija dziŭnyja razmovy. Adna ŭ 2021-m, druhaja ŭ 2024 hodzie adbylisia. Pieršaja akazałasia biez nastupstvaŭ, druhaja — z pazityŭnymi i z niehatyŭnymi nastupstvami», — padsumoŭvaje jon.
Vaskrasienski pakajaŭsia, što byŭ u kamandzie Babaryki: Ja byŭ adurmanieny, jak i ŭvieś biełaruski narod
Babaryka vybačyŭsia za svaje słovy pra Kraŭcova i skazaŭ, što jaho mahli niapravilna zrazumieć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Babaryka: Kali b my pieramahli — vajny va Ukrainie nie było b
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary