U Kupiansku źniščyli ŭsiu hrupu rasijan, jakaja niekalki miesiacaŭ siadzieła ŭ razbomblenaj balnicy. Nie vyjšaŭ nichto
Ukrainskija vojski zaniali apošni farpost rasijan u Kupiansku — kompleks balnicy, jaki tyja ŭtrymlivali niekalki miesiacaŭ u atačeńni.
Rasijskija padraździaleńni, raźmierkavanyja na poŭnač ad Kupianska ŭ trochkutniku Kandrašoŭka — Redźkaŭka — Hałuboŭka, u kastryčniku 2025 hoda pranikli ŭ horad pa dvuch asnoŭnych kirunkach. Pieršy — uzdoŭž trasy R-79, što idzie paralelna race Askoł. Druhi — abychodam praz zachodniuju častku horada ź pierachodam raki Kupianka.
Rasijanie zajavili pra zachop Kupianska 20 listapada 2025 hoda — avansam, jak časta robiać ich hienierały, kab atrymać premiju i orden. Adnak šturmavyja atrady rasijskaha śpiecnaza apynulisia ŭ atačeńni ŭ vyniku ŭkrainskich kontrudaraŭ. Rasijanie zamacavalisia ŭ šerahu budynkaŭ. Samaja vialikaja hrupa zaniała kapitalny kompleks Centralnaj rajonnaj balnicy. Ich zabiaśpiečvali bojeprypasami i praduktami z dapamohaj hruzavych dronaŭ.
«Ja razumieju, bratan, što my ŭ katle, u poŭnaj žopie», — cytavaŭ rasijskaha bajca kanał «Pijanier zapasu».
Prezident Ukrainy Uładzimir Zialenski naviedaŭ Kupiansk 12 śniežnia. Jon tym samym faktyčna vyśmiejaŭ Uładzimira Pucina i Valeryja Hierasimava, jaki pad telekamiery dakłaŭ pra zaniaćcie horada.
Ukraincy nie śpiašalisia šturmavać rasijskija ankłavy ŭ horadzie, bierahli svaje siły. Vyhasańnie abarony było pytańniem času, i hety čas nadyšoŭ.
«Pad infarmacyjnym prykryćciom (cišynioj) MA RF — US Ukrainy viaduć začystku paŭnočnaha ŭčastka, jaki zastaŭsia, — napisali siońnia rasijskija vajenkary i dadali: — Chłopcy z CRB zahinuli. Usie».
U Kupianskaj ahłamieracyi da vajny žyło kala 58 tysiač čałaviek. Heta jak biełaruski Kobryn. Rasijanie akupavali Kupiansk (pravilny nacisk — na pieršy skład) 27 lutaha 2022 hoda, ale USU vyzvalili jaho padčas Iziumskaj kontrnastupalnaj apieracyi ŭ vieraśni taho ž hoda. Paśla hetaha front zamacavaŭsia na ŭschod i poŭnač ad Kupianska.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary
rabicie danaty na drony! nie spyniajciesia!
U kaho jakija pretenzii? Pretenzijaŭ być nie pavinna.
Słava USU - badaj najlepšym śpiecyjalistam rehijonu, a to i płaniety pa lekavańni nievylečnych!