«Pieramoha Rasii ŭ SVA — heta i pieramoha Biełarusi». Ideołah Łukašenki raskryŭ jaho sapraŭdnyja płany pa Ukrainie
Nie paśpieŭ vonkava pazdaravieły Łukašenka na siońniašniaj sustrečy z udzielnikami pasiadžeńnia Rady Parłamienckaj asamblei ADKB čarhovy raz pazicyjanavać siabie jak asobu, u hałavie jakoj adno tolki imknieńnie da ŭsieahulnaha miru, jak u praŭładnym kanale źjaviŭsia zapis vystupleńnia adnoj z klučavych ideałahičnych fihur u jahonym atačeńni — Vadzima Hihina. Tanalnaść jaho zusim inšaja.
Kali Łukašenka havoryć, što, maŭlaŭ, «treba viarnucca za stoł pierahavoraŭ. Uziać nie toj dakumient [jaki vypracoŭvaŭsia na pačatkovym etapie rasijska-ŭkrainskich pierahavoraŭ] — novy. Dla taho, kab spynić vajnu», to jahony ideołah ni pra jakija pieramovy i dumać nie dumaje, jamu karcić adno tolki «pieramoha Rasii ŭ SVA» i razhrom Ukrainy:
«Nie treba vykručvacca, — da niekaha źviartajecca Hihin. — Pieramoha Rasii ŭ SVA — heta i pieramoha Biełarusi. Usie patryjatyčnyja siły, prychilniki Alaksandra Łukašenki pierakananyja ŭ hetym. My jeździm pa krainie, my razmaŭlajem ź ludźmi. Treba pra heta havaryć naŭprost:
tak, Biełaruś nie ŭdzielničaje ŭ bajavych dziejańniach i heta naš pryncypovy vybar, naša linija, naša pazicyja. Ale davajcie kazać naŭprost: my balejem za Rasiju, my žadajem pośpiechu rasijskaj armii, my žadajem pieramohi Rasii, my žadajem razhromu nieanacysckaj zhrai, jakaja nazyvajecca Uzbrojenyja siły Ukrainy. My žadajem razhromu kliki Zialenskaha.
Pra heta treba kazać adkryta. Tak dumajuć vielmi mnohija ludzi pa ŭsim śviecie. Hetaja ŭzvažanaja pazicyja Biełarusi, jakaja nakiravanaja na dasiahnieńnie ahulnych metaŭ u SVA, ale razam z tym i na mir. Biełaruś ź pieršych dzion prymaje namahańni dla dasiahnieńnia miru, i heta pryncypova važna. I ciapier my hatovyja heta zrabić, ale mir pavinien być abaronieny».
Łukašenka nazvaŭ dezinfarmacyjaj zajavy ab ukrainskim kontrnastupleńni
Rasijski palityk: «Łukašenka pieršym pabiažyć ź jadziernaj zbrojaj zdavacca na Zachad». Hihin kinuŭsia na abaronu
«Padobna da cyrku, tolki nie treba płacić za bilety». Studenty raskazali, jak prachodziać «Začiotnyje razhovory» z prapahandystami
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary
Do čieho ž vy žałkije russkije sovki...