Avijakampanija «Biełavija» ŭ aŭtorak, 23 maja, zapuściła pieršy rejs ź Minska ŭ Murmansk. Da hetaha samaloty biełaruskaha pieravozčyka jašče nie lotali ŭ Zapalarje.
Pieršy rejs adpraviŭsia ź Minska ŭ 10:15, jon prylacić u Murmansk u 13:00. U honar adkryćcia novaha maršrutu pasažyram u minskim aeraporcie razdavali padarunki, piša «Sputnik».
Lotać u Murmansk łajniery «Biełavija» — a heta pavietranyja sudny Embraer 195 — buduć pa aŭtorkach, zvarotnyja rejsy buduć vykonvacca ŭ hety ž dzień: vylet sa stalicy rasijskaj Arktyki zapłanavany na 14:00, a prylot u Minsk — na 16:40.
U avijakampanii raźličvajuć, što maršrut u Murmansk stanie zapatrabavanym nie tolki z boku turystaŭ, jakija chočuć na svaje vočy pahladzieć na paŭnočnaje źziańnie, ale i ŭ pradstaŭnikoŭ biznesu, pakolki hety horad viadomy jak bujny pramysłovy vuzieł, asabliva ŭ płanie zdabyčy ryby i jaje pierapracoŭki.
Tym časam siońnia roŭna dva hady z momantu prymusovaj pasadki ŭ Minsku samalota Ryanair Vilnia — Afiny, u vyniku čaho byli aryštavanyja Raman Pratasievič i Safija Sapieha. Jak vynik, biełaruskim samalotam było zabaroniena lotać u inšyja krainy Jeŭropy, a jeŭrapiejskija avijakampanii stali ablatać Biełaruś.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary