Viciebskamu art-mieniedžaru Uładzimiru Bułaŭskamu pryznačyli dva hady kałonii
Jaho abvinavacili pavodle art. 342-2 Kryminalnaha kodeksa — nieadnarazovaje parušeńnie paradku arhanizacyi abo praviadzieńnia masavych mierapryjemstvaŭ.
U sudzie Pieršamajskaha rajona Viciebska 26 maja vynieśli prysud palitźniavolenamu art-mieniedžaru i muzyku Uładzimiru Bułaŭskamu — dva hady kałonii va ŭmovach ahulnaha režymu. Jaho abvinavacili pavodle art. 342-2 Kryminalnaha kodeksa. Spravu razhladaŭ sudździa Michaił Jurčanka, piša «Viasna».
Za kratami Uładzimira ŭtrymlivajuć piać miesiacaŭ.
Pavodle zakanadaŭstva, zavieści kryminalnuju spravu suprać čałavieka pa art. 342-2 KK mohuć, kali jaho dvojčy za hod asudzili pavodle art. 24.23 KaAP «niesankcyjanavanaje pikietavańnie». U 2022 hodzie Uładzimira sudzili pa administracyjnych spravach niekalki razoŭ: u lutym i ŭ lipieni. Čarhovaje zatrymańnie adbyłosia ŭ śniežni za fota ŭ sacyjalnych sietkach, jakoje paličyli niezakonnym pikietavańniem.
Z 2020-ha siłaviki zatrymlivali Uładzimira jak minimum piać razoŭ.
Taksama Bułaŭski, pavodle śledstva, z 5 vieraśnia 2014 hoda pa 22 sakavika 2021 hoda ŭ sacyjalnych sietkach źmiaščaŭ vyjavy nacyjanalnaj simvoliki.
Na sudzie Uładzimir nie pryznaŭ vinu i davaŭ pakazańni na biełaruskaj movie.
Palitviaźniu błakujuć listavańnie, i jon amal nie atrymlivaje viestački z voli.
Padtrymajcie Uładzimira pasyłkaj, listom, hrašovym pieravodam ci telehramaj: SIZA-2, Haharyna 2, 210026, Viciebsk, Uładzimir Iharavič Bułaŭski
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary