Katavańnie Uładzimira Hundara praciahvajecca. Jaho znoŭ źmiaścili ŭ karcar
Pa infarmacyi pravaabaroncaŭ, administracyja hrodzienskaj turmy adpraviła Uładzimira ŭ karcar na 10 sutak. Pryčyny spahnańnia nieviadomyja. Viadoma, što niadaŭna palitviazień sustreŭsia ŭ źniavoleńni z žonkaj.
Z 29 krasavika pa 6 maja Hundara ŭžo ŭtrymlivali ŭ karcary, dzie jon ahłuch. Paśla vychadu jaho stała lichamanić u kamiery, jamu było vielmi choładna, baleli hałava i vušy, jon pierastaŭ čuć sukamiernikaŭ i zrazumieŭ, što ahłuch kančatkova. Paśla ahladu i dapamohi lekara palitviazień idzie na papraŭku, da jaho častkova viarnuŭsia słych.
Spahnańnie Hundaru vynieśli jašče ŭ pačatku krasavika za nie tak pakładzienuju na škonku padušku. Ale na praciahu miesiaca jaho tudy nie adpraŭlali praz adsutnaść volnaha miesca.
Palitźniavoleny Uładzimir Hundar — fihurant «spravy Aŭtuchoviča» — byŭ asudžany na 20 hadoŭ kałonii va ŭmovach uzmocnienaha režymu pa 4 artykułach Kryminalnaha kodeksa. Razhlad apielacyjnaj skarhi pa apošnim prysudzie adbudziecca 6 červienia.
Što viadoma pra viciebčuka, jakoha vinavaciać u sprobie padryvu samalota ŭ Hiermanii11
Kamientary