Jak małym raskazać pra historyju Biełarusi? Na jutub-kanale «Bejbus» źjaviŭsia admysłovy multsieryjał
Na kanale «Bejbus» vyjšaŭ premjerny epizod multsieryjała «Pryzma času». Jon pra historyju Biełarusi. Hałoŭnyja hieroi pavinny patrapić u 10 roznych stahodździaŭ biełaruskaj historyi i vyratavać śviet, kab ludzi nie zabyli svajo minułaje.
Franak i Zosia žyvuć u svajho dziadźki — navukoŭca, jaki sprabuje stvaryć mašynu času. U vyniku adnaho z ekśpierymientaŭ mašyna parušaje suviaź časoŭ, i ludzi pačynajuć zabyvać svajo minułaje.
Kab vyratavać śviet, Franak i Zosia pavinny patrapić u 10 roznych stahodździaŭ biełaruskaj historyi. Im treba sabrać razam častki Pryzmy Času, kab dziadźka Broniuś spyniŭ katastrofu.
Im dapamahaje razumny sabačka Badzi i rycar Adam, jaki vartuje Prastoru-Pamiž-Časam.
«Bejbus» — biełaruskamoŭny kanał dla dzietak, jaki ŭvajšoŭ u prahramu Youtube Kids. Trapić tudy składana, ale hety pačesny status dapamahaje pašyreńniu biełaruskamoŭnaha kantentu.
Na kanale «Bejbus» možna hladzieć multvieršy Andreja Skurko, kazki z Malavanyčam, prahramu dla dziaciej «Viasioły sadok», komiksy ad «Aściarožna: dzieci!» dy inšy adukacyjna-zabaŭlalny kantent.
-
Ličyli abjom popiełu. Adkul uziaŭsia novy lik źniščanych u Traściancy — 546 tysiač čałaviek?
-
Pacierki z marskich lilej, jakim sotni miljonaŭ hadoŭ. Na Biełarusi tysiačahodździami rabili ŭpryhažeńni z akamianiełaściej
-
«Pad mietrovym šurfam — kamiennaja šlifavanaja siakiera». Archieołahi raskazali pra važnyja vyniki sioletnich padvodnych raskopak
Pavietranaja himnastka pakazała zakuliśsie pracy ŭ Biełdziaržcyrku6
Kamientary