Namieśnik Śviatłany Cichanoŭskaj u Abjadnanym pierachodnym kabiniecie Valer Kavaleŭski prakamientavaŭ učarašniuju sustreču z daradcam Ofisa prezidenta Ukrainy Michaiłam Padalakom.
Pavodle Kavaleŭskaha, hetaja sustreča dvuch palitykaŭ była nie pieršaj, a ŭžo čaćviortaj: «Raniej my pracavali ŭ zakrytym farmacie, ale ciapier pahadzilisia, što fakt našaj razmovy i jaje ahulny źmiest mohuć być publičnymi.
Što tyčycca vynikaŭ sustrečy, to Kavaleŭski adznačyŭ try asnoŭnyja momanty:
«Pa-pieršaje,
va ŭkrainskaha boku jość vyraznaje razumieńnie lehitymnaści Śviatłany Cichanoŭskaj jak vynik jaje ŭdziełu ŭ vybarach 2020 hoda i demakratyčnaj supolnaści, jakaja pracuje na pieramieny ŭ Biełarusi. I takoje ž vyraznaje razumieńnie nielehitymnaści Łukašenki.
Pa-druhoje,
demakratyčnaja Biełaruś całkam adpaviadaje intaresam Ukrainy, asabliva va ŭmovach ahresii z boku režymu Łukašenki, jakaja abciažarvajecca pahrozaj niezakonnaha raźmiaščeńnia jadziernaj zbroi i pastajannaj vajskovaj prysutnaściu Rasii na terytoryi našaj krainy.
Pa-treciaje,
my syšlisia ŭ mierkavańni, što mižnarodnaja supolnaść musić zajmać bolš aktyŭnuju i praktyčnuju pazicyju pa pytańni pahrozy suvierenitetu Biełarusi ŭ vyniku ŭmiašańnia Rasii va ŭnutranyja spravy našaj krainy».
Siońnia Valer Kavaleŭski prymaje ŭdzieł u kruhłym stale «Pahrozy straty suvierenitetu Biełarusi z boku RF: mižnarodny aśpiekt», jaki ładzić u Kijevie Rada źniešniaj palityki «Ukrainskaja pryzma».
«Dakładna simvalizuje stan adnosin z režymam Łukašenki». Jak ciapier vyhladaje ambasada Biełarusi va Ukrainie
Prankiery Vavan i Leksus pad vyhladam Parašenki dazvanilisia da Cichanoŭskaj, ale nie zmahli padtrymać razmovu ź Viačorkam pa-ŭkrainsku
«Było peŭnaje spadziavańnie». Valeryj Kavaleŭski raspavioŭ, jak da Pucina stavilisia ŭ 90-ja biełaruskija i amierykanskija dypłamaty
Kavaleŭski — pra Viktara Łukašenku, Savinych, KDB, Sańnikava, Paźniaka i Łatušku
Ciapier čytajuć
Tur abiacaje kampramat na tych, chto praz tyktok skardzicca na ŭłady18
Kamientary