Kampanija OceanGate aficyjna paviedamiła pra hibiel ludziej, jakija znachodzilisia ŭ batyskafie «Tytan»
Kampanija-ŭładalnica źnikłaha ŭ Atłantycy batyskafa «Tytan» OceanGate vystupiła z zajavaj. Zhodna ź joj, usie piać čałaviek, jakija znachodzilisia ŭ aparacie, što spuskaŭ turystaŭ da patanułaha «Tytanika», «na žal, zahinuli», jak paviedamlaje CNN.
Hibiel piaci čałaviek aficyjna pryznała taksama i bierahavaja achova ZŠA.
Na borcie «Tytana» znachodzilisia brytanski biznesmien Chemiš Chardynh, biznesmien z Pakistana Šachzada Davud i jaho 19-hadovy syn, a taksama zasnavalnik kampanii OceanGate Stoktan Raš i francuzski daśledčyk Pol-Anry Naržale.
Raniej u zonie pošuku batyskafa znajšli abłomki. Śpiecyjalisty vyznačyli, što jany adnosiacca da źniešniaj častki aparata. Pošuki kapsuły ź ludźmi praciahvajucca.
Zapasy kisłarodu na źnikłym batyskafie, pa raźlikach śpiecyjalistaŭ, skončylisia 22 červienia kala 14:00 pa minskim časie.
Suviaź z batyskafam, jaki naležyć kampanii OceanGate, źnikła 19 červienia praź dźvie hadziny paśla apuskańnia pad vadu. Jak miarkujecca, aparat znachodzicca na hłybini bolšaj za try kiłamietry.
Kamientary