Niamieckaja raźviedka prasłuchoŭvała Pryhožyna i Łukašenku padčas buntu ŭ Rasii — miedyja
Fiederalnaja vyviedvalnaja słužba Hiermanii (BND) mahła atrymać dostup da razmoŭ kiraŭnika PVK «Vahnier» Jaŭhiena Pryhožyna i Alaksandra Łukašenki padčas vahnieraŭskaha miaciažu ŭ kancy červienia. Pra heta havorycca ŭ sumiesnym rasśledavańni niamieckich radyjoviaščalnikaŭ WDR i NDR, paviedamlaje «Jeŭrapiejskaja praŭda».
Pavodle infarmacyi miedyja, niamieckaja raźviedka prasłuchoŭvała telefonnyja razmovy Pryhožyna i Łukašenki, kali jany abmiarkoŭvali ŭmovy spynieńnia buntu ŭ Rasii. Takim čynam, BND nibyta niepasredna daviedałasia pra rolu Łukašenki jak pasiarednika pamiž Pryhožynym i Uładzimiram Pucinym.
Taksama, jak adznačajuć WDR i ARD, niamieckija vyviedniki mieli niedakładnyja dokazy mahčymaha buntu ŭ Rasii jašče za tydzień da samich padziej i sprabavali paćvierdzić infarmacyju ŭ partnioraŭ, ale biespaśpiachova, tamu i nie paviedamili pra heta kancleru Ołafu Šolcu.
«Jak paviedamlajecca, pieršaje papiaredžańnie ad BND pra padziei było nakiravana niamieckamu ŭradu ŭ piatnicu ŭviečary — napiaredadni taho, jak najmity «Vahniera» zaniali rasijskija vajskovyja abjekty i horad Rastoŭ», — havorycca ŭ rasśledavańni.
Na minułym tydni stała viadoma, što Fiederalnaja vyviedvalnaja słužba Hiermanii pačała ŭnutranuju pravierku ŭ suviazi z tym, što nie zmahła pradbačyć sprobu buntu ŭ Rasii, a jaje kiraŭniku Bruna Kalu nibyta pahražaje adstaŭka. Biahučaja infarmacyja, adnak, abviarhaje takija zdahadki.
Jak paviedamlałasia, kancler Hiermanii Ołaf Šolc miarkuje, što niaŭdały miaciež u Rasii asłabiŭ prezidenta Uładzimira Pucina, ale nastupstvy buntu Pryhožyna zastajucca niezrazumiełymi.
«Pryhožyn na zvanki Łukašenki adkazvać nie chacieŭ». Rasijskaja prapahanda źniapraŭdziła viersiju Łukašenki ab pieramovach z Pryhožynym
«Razmaŭlali pieršy raŭnd chvilin z 30 na maciernaj movie. Vyklučna». Łukašenka vykłaŭ svaju viersiju pieramoŭ z Pryhožynym
«Łukašenka moža stać miratvorcam na svaju hałavu, bo Pucin pomślivy». Analityk — pra vyniki miaciažu i Pryhožyna ŭ Biełarusi
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary