Dla karavaj-festu ŭ Śvisłačy śpiakli karavaj vahoj 150 kiłahramaŭ FOTAFAKT
Hałoŭnaj padziejaj karavaj-festu «Baćkava bułka» ŭ Śvisłačy staŭ sapraŭdny 150‑kiłahramovy karavaj, jaki śpiakli hrodzienskija piekary. Jaho ŭpryhožyli piernikami, placionkami i inšymi dekaratyŭnymi elemientami.
Namieśnica hienieralnaha dyrektara AAT «Hrodnachlebpram» Aksana Adamovič adznačyła, što sioleta piekary vyrašyli pajści na rekord, kab karavajem mahli pačastavacca ŭsie ŭdzielniki mierapryjemstva. Na jaho vypiakańnie spatrebiłasia dvoje sutak. Niahledziačy na vialikija pamiery, da momantu prezientacyi jon zastavaŭsia śviežym.
Karavaj składaŭsia ź vialikaj kolkaści asobnych častak, jakija spačatku vypiakali, a zatym pryvozili ŭ Śvisłač i ŭžo tam źbirali ŭ adnu kampazicyju.
Akramia taho, usie filijały «Hrodnachlebprama» ŭdzielničali ŭ konkursie na lepšuju karavajnuju rabotu. Pieramožcu vyznačali pavodle majsterstva vykanańnia, smakavych jakaściaŭ, estetyčnaści, aryhinalnaści, vykarystańnia roznych technik i inšych kryteryjaŭ.
Farmiroŭščyk ciesta 4‑ha razradu Jaŭhien Haraŭski pradstaviŭ žury vialikuju kampazicyju sa zdobnaha ciesta. Na niekalkich jarusach u joj pakazana praca miechanizataraŭ, pracaŭnikoŭ paloŭ i piekaraŭ.
Na nižnim jarusie raźmiaścili kambajn, jaki žnie pšanicu, a na vierchnim — młyn, dzie pieramołvajecca muka z novaha ŭradžaju. Asobnaje miesca ŭ kampazicyi adviedziena žanočym vobrazam z kvietkami i pačastunkami. Pavodle słoŭ majstra, heta źviazana z Hodam biełaruskaj žančyny.
Usia kampazicyja całkam zroblena ź jadomych materyjałaŭ. Na jaje stvareńnie spatrebiŭsia amal miesiac: syroje ciesta pastupova naroščvali, farmavali detali i vysušvali ich. U vyniku chlebnaja skulptura atrymałasia vahoj kala 60 kiłahramaŭ.
Kamientary