Usiaho patrochu

Čornaje ci biełaje adzieńnie nadziavać u śpioku? Adkaz vas ździvić

Pieraadolvajučy haračyja pustyni, bieduiny nosiać jak čornaje, tak i biełaje adzieńnie. U čym sakret?

Beduin
Bieduin čytaje Karan u Sachary. Fota: Philippe Lissac / Getty Images

U artykule «Čamu bieduiny nosiać čornaje adzieńnie ŭ haračych pustyniach?», jaki źjaviŭsia ŭ brytanskim časopisie Nature jašče ŭ 1980 hodzie, navukoŭcy tłumačać, jaki koler adzieńnia bolš za ŭsio pasuje dla haračych dzion.

Čornaja tkanina, jak vyjaviłasia, chutčej pahłynaje ciapło, čym biełaja, ale da skury jano nie dachodzić u takoj kolkaści, jak u druhim vypadku.

Takim čynam, kolkaść ciapła, jakuju atrymlivajuć bieduiny, adnolkavaja, niezaležna ad taho, nosiać jany čornaje albo biełaje. Dadatkovaje ciapło, što pahłynajecca čornym adzieńniem, hublajecca da taho, jak paśpiavaje dasiahnuć skury.

Jak adziavacca ŭ haračaje nadvorje?

Samaje hałoŭnaje, kab tkanina nie prylipała da cieła.

U kančatkovym vyniku nie koler adzieńnia ŭpłyvaje na toje, nakolki nam horača, a fason: ci dastatkova adzieńnie prastornaje, kab pavietra mahło svabodna prachodzić pamiž tkaninaj i skuraj. Bieduiny, jakija padymalisia na haru Sinaj, nasili chvalistaje adzieńnie, što davała dadatkovy efiekt.

Typ tkaniny taksama važny. Uletku ŭ vilhotnych umovach lepš za ŭsio siabie prajaŭlaje lon. Jon spryjaje raśsiejvańniu ciapła, jakoje pieratvarajecca ŭ vadzianuju paru, i takim čynam astudžvaje skuru.

Akramia taho, lon idealna pasuje ludziam, jakija majuć schilnaść da skurnych mikozaŭ abo prełaści. Niekatoryja ludzi bolš schilnyja da takich prablem praz pavyšanuju patlivaść, praźmiernuju masu cieła abo nieabchodnaść pravodzić doŭhija hadziny na pracy ŭ śpiecyjalnaj formie, jakaja nie prapuskaje šmat pavietra.

Dobra pasujuć i inšyja naturalnyja tkaniny, takija, jak šoŭk i bavoŭna.

Paźbiahać varta poliefirnaha sacinu. Jon vyhladaje lohkim i pryvabnym, ale niachaj heta nie ŭvodzić vas u zman. Nasamreč jon amal zusim nie prapuskaje pavietra, tak što dla haračych dzion dakładna nie pasuje.

U arabskich krainach jość jašče adzin raspaŭsiudžany sposab baraćby sa śpiakotaj — spažyvańnie ciopłych napojaŭ i ježy. Ježa moža być dadatkova vostraj. Takija stravy vykličuć nievialikaje pavyšeńnie tempieratury ŭnutry cieła, tamu jano zrobić usio, kab astyć. My pačniom pacieć jašče bolš, čym da ježy ci pićcia haračaj harbaty. A tamu astudžalny efiekt budzie bolš intensiŭny.

Kamientary

Ciapier čytajuć

Cichanoŭski raskazaŭ, što treba było rabić u žniŭni 2020-ha14

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

Polšča pryznała Alaksandra Mašenskaha niepažadanaj asobaj40

Historyk Aleh Łatyšonak pra emihrantaŭ novaj chvali: «Havorać pa-rasijsku ŭ situacyi, kali maskal topča Biełaruś! Prosta žach!»86

Byłaja palitźniavolenaja Natalla Dulina prosić dapamohi15

Załužny i Zialenski zastajucca šalona papularnymi va Ukrainie

Natchnialnaja navina: «Naša Niva» čempijon pa adličeńniach ad padachodnaha padatku5

Karanik prapanavaŭ pravodzić suprać padziažu žyvioły «palityku NEP»5

Mocny śmierč narabiŭ biady ŭ Haradockim rajonie FOTY4

Mierc: Mahčymaściaŭ dla dypłamatyčnaha ŭrehulavańnia va Ukrainie bolš niama2

U Homieli mužčyna parezaŭ sabie šyju na prypynku, sam nie viedajučy navošta

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha14

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić