Užo nie pieršy dzień staić anamalnaja śpioka — słupok termomietra trymajecca na ŭzroŭni 30 hradusaŭ Celsija. Jak ablehčyć sabie žyćcio ŭ hety čas? Voś niekalki niezvyčajnych łajfchakaŭ.
Naša cieła rehuluje svaju tempieraturu z dapamohaj potavydzialeńnia, tamu ŭ śpiakotny dzień my paciejem bolš, čym u zvyčajny. Ale ŭsio roŭna varta padtrymać svoj arhanizm, kab lepiej pieranosić vysokuju tempieraturu, piša onet.pl.
Zrabić heta možna nie tolki z dapamohaj vientylatara ci kandycyjaniera. Navat ježa, jakuju vy spažyvajecie, upłyvaje na tempieraturu vašaha cieła.
U śpioku rekamiendujuć paźbiahać praduktaŭ, bahatych na prateiny. Kali ŭ našym arhaniźmie pieravarvajucca białki, tempieratura cieła pavyšajecca. Jość danyja, što kali źjeści stejk ź jałavičyny, vaša tempieratura moža pavysicca na 2 hradusy na praciahu nastupnaj hadziny. Tamu takija pradukty lepiej zamianiać na harodninu i sadavinu i jeści bolš časta, ale bolš małymi porcyjami.
Picie ŭ śpioku ciopłyja napoi i ŭžyvajcie haračuju i vostruju ježu
Heta mietad baraćby sa śpiokaj, jaki vykarystoŭvajuć u arabskich krainach užo šmat stahodździaŭ. Kali vy zabiaśpiečvajecie arhanizm ciopłaj ježaj ci pićciom, jon atrymoŭvaje sihnał ab tym, što treba astudzić siabie, i ŭ vyniku vydzialaje bolš potu. Ale, jak ličać navukoŭcy, hety mietad pracuje tolki ŭ suchim klimacie.
Taki ž efiekt daje i vostraja ježa. Ale ž nie varta jeści jaje zašmat, bo tady vaša samaadčuvańnie, naadvarot, moža pahoršycca.
Mokryja štory ŭ pakoi źniziać tempieraturu
Hety łajfchak zaraz nie nadta viadomy, ale ž jaho vykarystoŭvali jašče našy babuli. Kali pavietra, što traplaje ŭ pakoj, prachodzić praz mokruju ci chacia b vilhotnuju firanku, jano astudžajecca na niekalki hradusaŭ. Ale ž mokryja štory dapamahajuć tolki ŭ vypadku, kali pavietra cyrkuliruje pa pakoju. Dla hetaha treba abo adkryć vakno, kab u pakoi byŭ skraźniak, abo ŭklučyć vientylatar.
Śpioka viartajecca. Jak siabie pavodzić u takoje nadvorje?
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary