Vialikabrytanija źniała sankcyi z rasijskaha biznesmiena Aleha Cińkova
Vialikabrytanija źniała sankcyi z rasijskaha bujnoha pradprymalnika Aleha Cińkova, vynikaje z dakumienta, apublikavanaha na sajcie brytanskaha ŭrada. Tam havorycca, što Cińkoŭ vydaleny sa zvodnaha sankcyjnaha śpisa, paviedamlaje BBC.
Cińkoŭ, jaki znachodziŭsia pad sankcyjami ad sakavika minułaha hoda, nieadnarazova publična asudžaŭ rasijskaje ŭvarvańnie va Ukrainu, a ŭ kastryčniku 2022 hoda ŭvohule admoviŭsia ad rasijskaha hramadzianstva.
Raniej skasavać sankcyi suprać Aleha Cińkova zaklikaŭ brytanski biznesmien-miljarder Ryčard Brensan, zajaŭlajučy, što Łondan uklučyŭ Cińkova ŭ sankcyjny śpis pamyłkova.
Cińkoŭ staŭ druhim rasijskim biznesmienam, vyzvalenym ad brytanskich sankcyj. 6 lipienia Vialikabrytanija skasavała ich u dačynieńni da byłoha namieśnika staršyni Śbierbanka Lva Chasisa. Jak i Cińkoŭ, jon trapiŭ u sankcyjny śpis u sakaviku 2022 hoda. Ale paśla pačatku rasijskaha ŭvarvańnia, jak paviedamlali ŚMI, Chasis pakinuŭ Śbierbank i źjechaŭ u ZŠA.
Skasavańnia brytanskich sankcyj taksama damahalisia rasijskija miljardery Michaił Frydman i Piotr Avien. Jany žyli ŭ Vialikabrytanii, kali pačałasia vajna. Ale ź ich sankcyi pakul nie źniatyja, niahledziačy na inicyjatyvy rasijskich apazicyjanieraŭ u ich padtrymku.
«Mnie pisali: zdochni ad raku tam». Miljarder Aleh Cińkoŭ raspavioŭ, jak rak źmianiŭ jaho žyćcio i jak «hiejropa» ratuje ankachvorych z-patryjotaŭ
Aleh Dzierypaska padaŭ u sud na Aleha Cińkova za abrazy. Jon patrabuje 2 miljardy rasijskich rubloŭ
Rasijski miljarder Aleh Cińkoŭ znoŭ publična vystupiŭ suprać vajny
Kamientary