Łatuška pieradaŭ Ukrainie źviestki pra dziaciej, jakich vyvieźli ŭ Biełaruś i pieradali Rasii dla ŭsynaŭleńnia
Kiraŭnik Narodnaha antykryzisnaha ŭpraŭleńnia Pavieł Łatuška zajaviŭ, što pieradaŭ u ofis upaŭnavažanaha Viarchoŭnaj Rady Ukrainy pa pravach čałavieka dadatkovyja «dokazy vajennych złačynstvaŭ Alaksandra Łukašenki».
U tvitary Pavał Łatuška napisaŭ , što «NAU vyjaviła bolš za 50 dziaciej-sirot z 15 akupavanych ukrainskich haradoŭ, niezakonna vyviezienych u Biełaruś», troje ź jakich «pieradadzienyja na ŭsynaŭleńnie ŭ Rasiju».
At a meeting in ombudsman office, I handed over additional evidence of #Lukashenko's war crimes. @nau_belarus has identified more than 50 orphans from 15 occupied #Ukrainian cities illegally taken to #Belarus. 3 children were transferred for adoption to Russia @lubinetzs pic.twitter.com/4aBtQ15G1p
Raniej NAU padrychtavała spravazdaču pa faktach pieramiaščeńnia ŭkrainskich dziaciej u Biełaruś. 27 červienia arhanizacyja paviedamiła, što «dokazy vajennych złačynstvaŭ», fihurantam jakich ukazany Łukašenka, pieradadzienyja ŭ Mižnarodny kryminalny sud u Haazie.
Kamitet Jeŭrapiejskaha parłamienta pa zamiežnych spravach 18 lipienia ŭchvaliŭ dakład, u jakim zaklikaŭ Mižnarodny kryminalny sud vydać ordar na aryšt Łukašenki. Dakład budzie pradstaŭleny Jeŭraparłamientu na zaćviardžeńnie ŭ vieraśni.
Kamientary