ZŠA tajemna padzialilisia z Haahaj dokazami rasijskich vajennych złačynstvaŭ va Ukrainie — The New York Times
Jak ukazvaje vydańnie, administracyja prezidenta ZŠA Džo Bajdena pierad uchvaleńniem hetaha rašeńnia doŭha jamu supraciŭlałasia, bo bajałasia budučaha pieraśledu amierykanskich vajskoŭcaŭ z boku Mižnarodnaha kryminalnaha suda.
Prezident ZŠA Džo Bajden zahadaŭ bieź lišniaha šumu pieradać Mižnarodnamu kryminalnamu sudu (MKS) u Haazie ŭsie najaŭnyja dokazy vajennych złačynstvaŭ Rasii va Ukrainie. Pra heta 26 lipienia napisała vydańnie The New York Times sa spasyłkaj na niekalkich amierykanskich čynoŭnikaŭ, jakija viedajuć situacyju asabista.
Pavodle ich słoŭ, dokazy datyčać rasijskich udaraŭ pa mirnych žycharach i hramadzianskaj infrastruktury Ukrainy, a taksama niezakonnaha vyvazu adtul ukrainskich dziaciej.
Adznačajecca, što hetaje rašeńnie prymałasia vielmi doŭha, bo ŭ pierśpiektyvie heta adkryvaje mahčymaść dla MKS dla anałahičnaha pieraśledu ŭžo amierykanskich hramadzian za dakazanyja vajennyja złačynstvy.
«Bajden rasparadziŭsia tajemna pieradać Mižnarodnamu kryminalnamu sudu ŭ Haazie ŭsie nieabchodnyja dokazy vajennych złačynstvaŭ Rasii, što istotna ablehčyć pracu suda pa pryciahnieńni vinavatych da adkaznaści. Adnak rašeńnie hetaje dałosia nie vielmi lohka, bo stvaraje precedent dla budučaha pieraśledu ŭžo našych vajskoŭcaŭ u vypadku dakazanaści złačynstvaŭ», — zajavili amierykanskija čynoŭniki vydańniu The New York Times.
Reč u tym, što ani Rasija, ani ZŠA nie źjaŭlajucca padpisantami Rymskaha statuta, jaki śviedčyć ab padtrymcy MKS i traplańni pad jaho jurysdykcyju. Jašče z časoŭ administracyi amierykanskaha prezidenta Džordža Buša — małodšaha ZŠA nie padtrymlivajuć pryncypu, pavodle jakoha MKS moža pieraśledvać hramadzian krainy, jakaja nie jość čalcom Rymskaha statuta.
Heta adnojčy vyliłasia ŭ adkrytyja sankcyi ZŠA suprać prakuroraŭ i sudździaŭ Mižnarodnaha kryminalnaha suda za rasśledavańnie złačynstvaŭ amierykanskich sałdat padčas vajny ŭ Afhanistanie. Adnak paśla źniaćcia sankcyj u 2021 hodzie rasśledavańnie adrazu ž spyniłasia.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary