Čatyry inicyjatyvy abjadnalisia, kab znoŭ stvaryć cud. Kožnamu dziciaci palitźniavolenych baćkoŭ vypłaciać pa 100 jeŭra.
«Mnohija siemji sutyknulisia ź ciažkimi vyprabavańniami praz palityčnyja pieraśledy. Baćki byli niezasłužana pazbaŭlenyja voli, a dzieci zastajucca biez padtrymki i apory adnaho, a časam i abodvuch baćkoŭ.
Ale čas idzie, i zusim nieŭzabavie maleńkim biełarusam znoŭ siadać za party. Kožnamu dziciaci nieabchodnyja školnyja pryłady, padručniki, adzieńnie i abutak, kab jany mahli paśpiachova vučycca i raźvivacca. A što rabić tym, u kaho nie chapaje srodkaŭ sabrać małych da škoły?» — kažuć inicyjatary zboru.
Jany zapuskajuć zbor na padrychtoŭku da novaha navučalnaha hoda dla dziaciej palitviaźniaŭ i ludziej, jakija vyjšli na volu paśla źniavoleńnia.
Čatyry inicyjatyvy abjadnalisia, kab znoŭ stvaryć cud. Zbor srodkaŭ dla školnikaŭ 1-11 kłasaŭ ładziać Fond Biełaruskaj Salidarnaści BYSOL, dabračynny fond «Kraina dla Žyćcia», inicyjatyva dapamohi palityčnym źniavolenym u Biełarusi Dissidentby, dabračynnaja arhanizacyja Littowin LIONS CLUB.
Abiacajecca vypłacić pa 100€ na kožnaje dzicia palitviaźniaŭ baćkoŭ. Usiaho — 236 dziaciej.
Papiarednija takija zbory — hrošy na Novy hod dla dziaciej palitviaźniaŭ i na letnija vakacyi — byli paśpiachova realizavanyja.
Padtrymać praz «Bajsoł»
Pakul sabrana pa stanie na subotu na 16:00 8962 jeŭra z 23600. To-bok zabiaśpiečany 89 dzietak.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary
Pačytaŭ spravazdaču naziralnaj rady pa ŭžo sabranych hrašach i vynikła pytańnie.
A navošta jašče źbirać, kali minuły raz:
a) sabrali ŭ dva razy bolš čym zapłanavali;
b) nie vypracavali dakładnaja kirunki i kryteryi dapamohi;
v) nie zmahli padzialić summy dapamohi na roŭnyja doli, ssyłajučysia na niejkija tam śpiecyfiki ŭ dziejnaści fondaŭ i nakirunkach dapamohi;
h) nie viedajuć, jak biaśpiečna pieradać hrošy tamu, kamu źbirali.
Moža b płan adrazu nakidali: skolki, kamu, kudy, na što i, hałoŭnaje, jak? Nu i zbor hrošaj moža treba było spynić, kali sabrali patrebnuju sumu.