Buduć sudzić kiroŭcu aŭtobusa, pa vinie jakoha zahinuła pažyłaja para ŭ Čavusach
U Čavusach buduć sudzić 42‑hadovaha kiroŭcu haradskoha aŭtobusa, jakoha abvinavačvajuć u parušeńni pravił darožnaha ruchu i ekspłuatacyi transpartu, što pa nieaściarožnaści pryviało da hibieli dvuch čałaviek, paviedamiła Hienieralnaja prakuratura.
Trahiedyja adbyłasia 16 maja 2026 hoda na aŭtastancyi ŭ Čavusach. Kiroŭca paśla zaviaršeńnia rejsa vyjšaŭ z aŭtobusa, ale padčas razmovy pa mabilnym telefonie nie zahłušyŭ ruchavik i nie ŭklučyŭ stajanačny tormaz.
Praz heta aŭtobus pačaŭ samastojna ruchacca i najechaŭ na siamiejnuju paru — mužčynu 1959 hoda naradžeńnia i žančynu 1956 hoda naradžeńnia. Aboje ad atrymanych traŭmaŭ zahinuli na miescy.
Kryminalnaja sprava ŭ dačynieńni da kiroŭcy ŭžo nakiravanaja prakuraturaj Mahiloŭskaj vobłaści ŭ sud. Jaho dziejańni kvalifikavanyja pavodle častki 3 artykuła 317 Kryminalnaha kodeksa Biełarusi.
Na čas razhladu spravy mužčyna znachodzicca pad padpiskaj ab niavyjeździe i naležnych pavodzinach.
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary