Infarmacyja pra vahnieraŭcaŭ na biełaruska-litoŭskaj miažy moža być ukidam — «Biełaruski Hajun»
Učora ŭviečary ŭ biełaruskija miedyja, u tym liku ŭ «Našu Nivu», pryjšła infarmacyja i videa ad ludziej, jakija nibyta «jechali da baćkoŭ žonki ŭ viosku i źniali hrupu z čatyroch mužčyn, jakija niešta vyhružali». Ale, chutčej za ŭsio, heta ŭkid.
Na videa pakazany čorny Volkswagen Touareg, na jakim možna razhledzieć numary, padobnyja da numarnych znakaŭ tak zvanaj «ŁNR», a kala mašyny hrupa mužčyn u vajskovaj formie vyhružaje niejkija skryni, jakija mohuć być kiejsami dla kvadrakoptaraŭ.
Vyhladaje heta dosyć praŭdapadobna, ale jość šerah faktaŭ, jakija pakazvajuć na toje, što heta čarhovy fejk, śćviardžaje manitorynhavaja hrupa «Biełaruski Hajun».
Zajaŭlałasia, što videa źniata kala v. Hałavienčycy (Hrodzienskaja vobł). Na im vidać, što nieba jasnaje, amal niama abłokaŭ. Adnak za 20 km adtul znachodziacca litoŭskija Druskieniki (Druskininkaj), dzie na praciahu ŭsiaho dnia nazirałasia bolš pachmurnaje nadvorje.
Pa-druhoje, karystalnik, jaki rassyłaŭ heta videa biełaruskim miedyja, zarehistravaŭsia ŭ telehramie ŭsiaho miesiac tamu i ŭžo mianiaŭ niknejm, ale hałoŭnaje, što mnohim miedyja ad jaho pryjšło ŭsiaho dva paviedamleńni. I ŭ pieršym jon prapanoŭvaŭ apublikavać videa z ukrainskich kanałaŭ, dzie nibyta źniatyja vahnieraŭcy ŭ v. Cel.
Abodva videa ad hetaha karystalnika majuć šerah supadzieńniaŭ, choć źniatyja, pa jaho słovach, u zusim roznych miescach. Na dvuch videa prysutničaje hrupa z traich mužčyn i jość Volkswagen Touareg čornaha koleru.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS18
Kamientary