Prezident Ukrainy Uładzimir Zialenski paviedamiŭ ab «praryŭnoj damoŭlenaści» nakont pastavak źniščalnikaŭ F-16 va Ukrainu
«Ad siońnia ŭžo kankretyka. Buduć va ŭkrainskim niebie. Dziakuj, Niderłandy! Dziakuj, Mark! Dziakuj usim, chto dapamahaje!» — napisaŭ Uładzimir Zialenski ŭ telehramie.
«Niderłandy i Danija abaviazvajucca pieradać Ukrainie źniščalniki F-16, paviedamiŭ premjer Niderłandaŭ Rute», — piša «Suśpilnie».
«My z Markam Rute damovilisia pra kolkaść F-16, jakija buduć pieradadzienyja Ukrainie paśla navučańnia našych piłotaŭ i inžynieraŭ. 42 samaloty. I heta tolki pačatak», — napisaŭ Zialenski.
Premjer Niderłandaŭ Mark Rute i Uładzimir Zialenski sustrelisia siońnia ŭ Ejndchavienie na vajskova-pavietranaj bazie.
U piatnicu Niderłandy i Danija zajavili, što Złučanyja Štaty dali svaju zhodu hetym krainam na pastaŭku źniščalnikaŭ F-16 va Ukrainu.
Kamientary