U deputaty Smalenskaj abłasnoj dumy ad «Adzinaj Rasii» bałatujecca Alaksandr Zialenski. Padčas sustrečy z vybarščykami adnaho z prysutnych aburyła proźvišča kandydata.
Alaksandr Zialenski. Fota: er.ru
Niezadavoleny dziadula zajaviŭ, što takoje supadzieńnie «abraźlivaje dla ŭdzielnikaŭ SVA i patryjotaŭ» i što Zialenskaha treba źniać z vybaraŭ. Abo jon musić źmianić proźvišča.
Sam Alaksandr Zialenski adkazaŭ, što nie niasie adkaznaści za svaich adnafamilcaŭ. Taksama jon nie maje namieru mianiać proźvišča i zdymacca z vybaraŭ.
Taksama śpikier abłdumy Ihar Lachaŭ zaklikaŭ «nie pieraśledavać ludziej pa proźviščy», paśla čaho piensijanier pakinuŭ zału.
«Jaho (Alaksandra Zialenskaha) radavod viadzie da kubanskich kazakaŭ, za svaich ciozak smalanin adkaznaści nieści nie moža. Akramia taho, jon padkreślivaje, što ŭ jahonym rodzie zdradnikaŭ nikoli nie było, i admaŭlacca ad svajho proźvišča kandydat nie maje namieru, — udakładnili ŭ adździaleńni partyi.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary