Prajšoŭ usiaho tydzień z pryznačeńnia novaha dyrektara Nacyjanalnaha histaryčnaha archiva, jak adtul jość čarhovyja naviny. Z ustanovy zvalniajuć 8 čałaviek. U piatnicu ŭ ich apošni pracoŭny dzień.
Nakolki viadoma «Našaj Nivie», zvalniajuć pieravažna tych, chto niadaŭna patrapiŭ pad zatrymańni i pieratrusy. Nahadajem, 16 žniŭnia KDB zatrymaŭ sama mieniej 7 supracoŭnikaŭ archiva, siarod jakich namieśnik dyrektara pa navucy i zahadčyki adździełaŭ.
Novaha dyrektara archiva pryznačyli zusim niadaŭna — 14 žniŭnia. Im staŭ Michaił Hłušakoŭ, jaki pracavaŭ da hetaha kansultantam adnaho z departamientaŭ Ministerstva justycyi. Raniej praciahły čas słužyŭ u KDB.
Raniejšym dyrektaram archiva (maj 2022-ha — studzień 2023-ha) byŭ hienierał-major Aleh Voinaŭ, jaki ciapier zajmaje pasadu dyrektara Departamienta archivaŭ i spravavodstva Ministerstva justycyi. Pry im z palityčnych matyvaŭ z Nacyjanalnaha histaryčnaha archiva zvolnili bolš za 15 čałaviek.
Apošni raz biełaruskija archivy padparadkoŭvalisia siłavikam u časy stalinskaha teroru. Jak heta było
Biełaruskaja rečaisnaść. Dyrektara Histaryčnaha archiva pryznačyli pazaŭčora, a siońnia ŭžo zatrymali siem čałaviek
U Nacyjanalnym histaryčnym archivie — novy dyrektar. Jon doŭhi čas pracavaŭ u KDB
Pajšli hramić archivy… Zvolnili kiraŭnictva Nacyjanalnaha histaryčnaha
Kamientary