Heineken pradaŭ rasijski biznes vytvorcu «Dychłafosa» za 1 jeŭra
Niderłandski vytvorca piva Heineken abviaściŭ pra prodaž svajho rasijskaha biznesu kampanii Arnest Group, źviarnuŭ uvahu Reform.by.
«Uhoda atrymała ŭsie nieabchodnyja ŭchvaleńni i zaviaršaje praces vychadu Heineken z Rasii, pačaty ŭ sakaviku 2022 hoda, što paciahnie za saboj čakanuju ahulnuju sukupnuju stratu 300 młn jeŭra», — havorycca ŭ paviedamleńni kampanii.
Rasijski biznes pradadzieny za 1 jeŭra. Usie aktyvy, uklučajučy siem brovaraŭ, piarojduć novamu ŭładalniku. Jon uziaŭ na siabie adkaznaść za ŭsich rasijskich supracoŭnikaŭ Heineken, daŭšy im harantyi pracaŭładkavańnia na najbližejšyja try hady.
Akramia brenda Heineken, jaki byŭ vyviedzieny z Rasii ŭ 2022 hodzie, na praciahu 6 miesiacaŭ budzie zhornuta vytvorčaść Amstel. Nijakija inšyja mižnarodnyja brendy kampanii nie buduć licenzavacca dla Rasii, za vyklučeńniem drobnych rehijanalnych brendaŭ.
«Varyjantu viartańnia ŭ Rasiju niama», — havorycca ŭ zajavie Heineken.
«My zaviaršyli svoj sychod z Rasii. Apošnija padziei demanstrujuć surjoznyja prablemy, ź jakimi sutykajucca bujnyja vytvorčyja kampanii pry vychadzie z Rasii. Choć hetaja ŭhoda zaniała značna bolš času, čym my spadziavalisia, jana zabiaśpiečvaje srodki dla isnavańnia našych supracoŭnikaŭ i dazvalaje nam adkazna pakinuć krainu», — prakamientavaŭ hiendyrektar Heineken Dolf van den Brynk.
Arnest Group — najbujniejšy vytvorca parfumierna-kaśmietyčnaj i haspadarča-bytavoj pradukcyi ŭ aerazolnaj upakoŭcy.
Jak vynikaje ź infarmacyi, raźmieščanaj na sajcie kampanii, jana vyrablaje antypierśpiranty, aśviažalniki pavietra, srodki dla čystki i myćcia, srodki dla dohladu vałasoŭ, repielenty i insiektycydy, u tym liku «Dychłafos» i inšyja — usiaho bolš za 600 najmieńniaŭ. Kampanija zabiaśpiečvaje poŭny vytvorčy cykł: ad vyrabu aluminijevych jomistaściaŭ da padrychtoŭki i napaŭnieńnia aerazolaŭ.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary