U Vilni adkryvajecca Tydzień biełaruskaj kultury. Buduć i litaraturnyja sustrečy, mastackija majsterni, kvest pa biełaruskich miaścinach i navat kirmaš
Z 4 da 10 vieraśnia ŭ Centry biełaruskaj kultury j supolnaści ŭ Vilni (Vilenskaja, 20) adbudziecca ceły Tydzień biełaruskaj kultury.
Kožny dzień budzie pryśviečany peŭnamu aśpiektu biełaruskaj kultury.
4 vieraśnia, paniadziełak: Dzień šlachty (budzie praviedzienaja majsternia zamkaŭ*, padčas jakoj dzieci z baćkami zmohuć sabrać z papiery madeli sapraŭdnych biełaruskich zamkaŭ; prezientacyja z dehustacyjaj «Biełaruskaja kultura kavy», šlachietnaja i intelihientnaja).
5 vieraśnia, aŭtorak: Dzień słavutych biełarusaŭ (sumiesna z Ulegend — kvest pa Vilni, padčas jakoha treba šukać miaściny, źviazanyja sa słavutymi biełarusami).
6 vieraśnia, sierada: Dzień vyjaŭlenčaha mastactva (majstar-kłas «Vidziki»*, akvarelny majstar-kłas «Zorka Vieniera»*).
7 vieraśnia, čaćvier: Dzień litaratury i paezii (paetyčnaja sustreča z Nastaj Kudasavaj i Vitalom Ryžkovym; paśla sustrečy dla kožnaha i kožnaj budzie adkryty volny mikrafon — možna pračytać svaje vieršy, frahmienty prazaičnych tvoraŭ ci parazvažać nakont taho, što turbuje).
8 vieraśnia, piatnica: Dzień muzyki (biełaruskaje karaokie).
9 vieraśnia, subota: Kirmaš (biełarusy zaprašajuć siabroŭ! Na padvorku Centra budzie praviedzieny knižny kirmaš i kirmaš vyrabaŭ narodnaj tvorčaści, udzieł voźmuć nie tolki biełarusy, ale i majstry samych roznych nacyjanalnaściaŭ, buduć arhanizavanyja hulni dla dziaciej, akvahrym i inšyja cikavostki, vuličnaja ježa, a taksama projduć vystupy Alaksandra Pamidorava i inšych śpievakoŭ).
10 vieraśnia, niadziela: Bahač (tradycyjnaje śviatkavańnie biełaruskaha «Bahača», płanujecca praviadzieńnie adpaviednaha abradu, supolny abied sa stravami nacyjanalnaj kuchni, biełaruskija narodnyja tancy, hulni dla dziaciej, padviadzieńnie vynikaŭ viasioła-surjoznaj łatarei «Bahač»).
Ale heta nie ŭsio!
Ciaham usiaho tydnia pracujuć sialanskaja fotazona, imiersiŭnaja vystava «Les biełaruskaj mifałohii i falkłoru», zamkavaja i litaraturnyja prastory, adukacyjnyja cikavostki dla dziaciej i darosłych, anłajn i afłajn aktyŭnaści i hetaj dalej, dalej, dalej.
Sačycie za našymi afišami i abviestkami!
* Kolkaść miescaŭ abmiežavanaja. Patrabujecca papiaredniaja rehistracyja.
Rehistracyja na Majsterniu zamkaŭ.
Rehistracyja na majstar-kłas «Vidziki».
Rehistracyja na majstar-kłas «Zorka Vieniera».
Sardečna zaprašajem kožnaha i kožnuju! Adkryvajem novy siezon razam!
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ i z čaho ŭsio pačałosia1
Kamientary