Idzie prasoŭvańnie da druhoj linii abarony, u rasijan niama reziervaŭ — ekśpiert pra pośpiechi USU na Mielitopalskim učastku frontu
Ukrainski vajskovy ekśpiert Aleh Ždanaŭ raskazaŭ pra pośpiechi USU na Mielitopalskim učastku frontu, dzie ŭ rasijskaha boku niama reziervaŭ dla abarony.
Aleh Ždanaŭ u svaim videastrymie adznačyŭ, što na Mielitopalskim napramku frontu ciapier skłałasia niakiepskaja situacyja. Ukrainskija padraździaleńni nie tolki vyzvalili Rabocina, ale pajšli na poŭdzień i na ŭschod ad hetaha nasielenaha punkta.
«U nas u binoklach užo Novaprakopaŭka». Ekśpiert adznačaje, što ŭkrainskija vojski pačali prasoŭvańnie ŭ kirunku Vierbavoha. «A heta situacyja ŭžo havoryć ab tym, što projdziena pieršaja linija abarony. My ciapier znachodzimsia pamiž pieršaj i druhoj linijami. Dalej heta ŭžo prasoŭvańnie da druhoj linii abarony».
Ždanaŭ zaŭvažaje, što ŭ rasijskaha boku, chutčej za ŭsio, niama reziervaŭ. Jon tłumačyć, što paśla ŭtrymańnia pieršaj linii abarony rezka skaraciłasia kolkaść vojskaŭ u rasparadžeńni rasijskich hienierałaŭ. Na hetym učastku situacyja blizkaja da niervovaj. Heta možna vyznačyć pa tym, što rasijskaje kamandavańnie pačynaje kidać vojski ŭzdoŭž linii frontu».
Ždanaŭ udakładniaje, što praryŭ hałoŭnaj linii abarony adbyŭsia ŭ rajonie Takmaka. Niahledziačy na toje, što pad pahrozaj praryvu znachodzicca Vasiljeŭski ŭčastak hetaj ža linii frontu, adtul rasijskaje kamandavańnie zdymaje vojski i pieraciahvaje ich u rajon Novaprakopaŭki dla taho, kab pasprabavać spynić prasoŭvańnie ŭkrainskich vojskaŭ.
Ekśpiert zaŭvažaje, što takija dziejańni śviedčać chutčej pra toje, što ŭ rasijskaha boku niama reziervu, čym pra adsutnaść času, kab hety rezierv adniekul padciahnuć:
«Nastup nie raźvivaŭsia imhnienna. Dva miesiacy bilisia za Rabocina. Jany dobra razumieli situacyju, da čaho ŭsio idzie. I mahli spakojna padciahnuć siudy reziervy. Ale jany hetaha nie zrabili. Značyć, reziervaŭ niama».
Pa słovach Ždanava, na Mielitopalskim napramku paznačajecca niekalki ŭčastkaŭ, dzie moža być prarvanaja abarona rasijskich vojskaŭ.
Čytajcie jašče:
Nad Rabocinam załunaŭ ukrainski ściah z podpisam Załužnaha
Udar pa rasijskim ZRK S-400 u Krymie byŭ naniesieny pry dapamozie novaj ukrainskaj rakiety — Daniłaŭ
U siecivie źjavilisia fatahrafii rasijskaha viertalota, jaki pryziamliŭsia na ŭkrainskaj avijabazie
Załužny zajaviŭ amierykancam, što USU na parozie praryvu — The Wall Street Journal
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2222
Kamientary