«Źmiena surjoznaja». Były ambasadar Polščy ŭ Biełarusi raskazaŭ, što značyć jahonaja novaja pasada
11 vieraśnia stała viadoma, što Artur Michalski, jaki z maja 2018 hoda byŭ pasłom Polščy ŭ Biełarusi, choć z kastryčnika 2020-ha pracavaŭ z Polščy, pryznačany admysłovym pradstaŭnikom MZS Polščy ŭ spravach supracy z demakratyčnymi siłami Biełarusi. Heta budzie staraja praca pad staroj nazvaj ci ciapier Michalski budzie mieć novyja paŭnamoctvy, u jaho zapytaŭsia «Biełsat».
Artur Michalski adkazvaje, što z farmalnaha hledzišča — heta surjoznaja źmiena. Jon amal dva hady byŭ «ambasadaram na kansultacyjach u Polščy», ciapier pryjšoŭ čas skončyć hetuju misiju. Ale ŭ peŭnym sensie novaja pasada, kaža jon, jość praciaham raniejšych spraŭ i namahańniaŭ.
«Jak viadoma, ja zaŭsiody mieŭ blizkija adnosiny ź biełaruskim demakratyčnym asiarodździem, i ŭ takim praktyčnym sensie, dumaju, budu dalej rabić toje, što rabiŭ dahetul», — razvažaje Artur Michalski.
Demakratyčnyja siły Biełarusi, kaža jon, zrabilisia ŭžo «stałym elemientam palityčnaha piejzažu», i ich treba ŭsprymać jak palityčnaha subjekta, vartaha pavahi, padtrymańnia adnosin, supracy i dapamohi ŭ roznych spravach.
Biełaruskaja dyjaspara ŭ Polščy, jak adznačaje dypłamat, vielmi vialikaja. Spadar Michalski spadziajecca, što biełarusy znachodziać u Polščy pryjazny dom, ale razumieje, što adnosna dyjaspary źjaŭlajecca šmat vyklikaŭ, časta niaprostych. Tamu treba dapamahać u pieraadoleńni ciažkaściaŭ, dyjapazon mahčymych dziejaŭ tut šyroki.
«Najvažniej — blizka supracoŭničać z tymi, u kaho ŭ sercy volnaja, niezaležnaja Biełaruś», — reziumavaŭ Artur Michalski.
U intaresach nie tolki biełarusaŭ, ale i Polščy, i Jeŭropy toje, kab biełarusy mahli być haspadarami ŭ svajoj krainie, a Biełaruś była demakratyčnaj, niezaležnaj i suvierennaj krainaj, padkreśliŭ jon.
MUS zajaviła, što viedaje biełarusaŭ, jakija atrymali dazvoły na žycharstva za miažoj
Amierykancy pasprabavali vymavić «Ščučynščyna» i inšyja biełaruskija słovy. Pahladzicie, jak heta ŭ ich atrymałasia
Cichanoŭskaja vystupiła ŭ Jeŭraparłamiencie i papiaredziła, što pryjdzie ŭ kožny ŭrad z prośbaj pryznać novy pašpart
Kamientary