Cichanoŭskaja znachodzicca na Hienasamblei AAN u Ńju-Jorku. Jana sustrełasia ź vice-prezidentkaj Microsoft
Biełaruskaja lidarka Śviatłana Cichanoŭskaja znachodzicca na Hienasamblei AAN u Ńju-Jorku. Na palach samitu jana naviedała ofis Microsoft u AAN, paviedamlaje Ofis palityka.
«Ja siudy pryjechała, kab adstojvać intaresy biełarusaŭ. Ja budu havaryć pra našych palitviaźniaŭ — nieabchodnyja rašučyja dziejańni pa ich vyzvaleńni. Ja budu havaryć pra pahrozu niezaležnaści — Rasieja pavinna vyvieści svaje vojski i svaju jadziernuju zbroju z našaj krainy. Ja budu havaryć pra pryciahnieńnie da adkaznaści pamahatych režymu, jakija zachapili i niezakonna ŭtrymlivajuć uładu.
Ja budu havaryć pra novyja pašparty — biełarusy pavinny mieć mahčymaść lehalna znachodzicca i pracavać u inšych krainach. Ja budu havaryć praŭdu, u adroźnieńnie ad pradstaŭnikoŭ režymu, što buduć iłhać na pasiedžańniach pra biaśpiečnuju dy kvitniejučuju Biełaruś», — skazała Cichanoŭskaja.
Na palach hienasamblei AAN Śviatłana Cichanoŭskaja naviedała ofis Microsoft u AAN, paŭdzielničała ŭ dyskusii, arhanizavanaj kampanijaj Microsoft na temu, jak technałahičnyja kampanii i štučny intelekt mohuć dapamahać ludziam padčas kryzisaŭ. Śviatłana Cichanoŭskaja sustrełasia ź vice-prezidentkaj Microsoft Terezaj Chatsan, namieśnicaj kiraŭnicy USAID Izabel Koŭłman, paviedamlaje pres-słužba palityka.
Cichanoŭskaja padziakavała Microsoft za padtrymku biełaruskich miedyja i NDA paśla 2020 hoda i damoviłasia, što kampanija budzie praciahvać svaju prahramu pa Biełarusi. U pryvatnaści, sotni represavanych biełaruskich arhanizacyjaŭ zmahli atrymać biaspłatnyja ci lhotnyja padpiski na servisy Microsoft Office, vobłačnyja servisy kampanii, a taksama jurydyčnyja kansultacyi ad kampanii.
Taksama kampanija raspracavała sistemu abychodu błakiroŭki «ekstremisckich» miedyja ŭ Biełarusi, jakaja dazvalaje biełarusam unutry krainy pry dapamozie štučnaha intelektu biaśpiečna zachodzić na zabaronienyja sajty, piša pres-słužba Cichanoŭskaj.
Taksama ŭ pracy Hienasamblei AAN biare ŭdzieł namieśnik staršyni Kabinieta Valer Kavaleŭski.
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary