Fond Tałaja zrabiŭ dla vajennaha pomnika ŭ Maskvie spłaŭ z maniet i pradmietaŭ «SVA»
U Maskvie na Pakłonnaj hary stvarajuć pomnik «Žyvaja pamiać udziačnych pakaleńniaŭ», u asnovu jakoha pakłali spłaŭ ź vialikaj kolkaści maniet — kala 10—12 miljonaŭ. Ich źbirajuć užo piać hadoŭ, a nakiroŭvaje pracu pa zbory i pierapłaŭcy biełaruski fond Alaksieja Tałaja. Prytym manietami vyrašyli nie abmiažoŭvacca.
«Važny momant u tym, što heta 10‑12 miljonaŭ maniet, askiepki z paloŭ «SVA», kryžyki zahinułych chłopcaŭ u hetym spłavie», — rastłumačyŭ, z čaho robicca hety spłaŭ, Alaksiej Tałaj.
Zaklučny etap vyrabu spłavu adbyŭsia ŭ Bresckaj vobłaści, dzie praviali finalnuju cyrymoniju pierad adpraŭkaj materyjału ŭ Maskvu.
Sam prajekt realizujecca z 2021 hoda i ŭžo ŭklučaje niekalki pomnikaŭ. Pieršy źjaviŭsia ŭ Minsku ŭ 2022 hodzie (dla jaho vykarystali kala 130 tysiač maniet), druhi — u Breście ŭ 2024 hodzie (kala 500 tysiač maniet). U Maskvie raniej taksama byŭ adkryty adzin z etapaŭ miemaryjała, u jakim vykarystoŭvali kala 5 miljonaŭ maniet, ale novy spłaŭ pavinien stać častkaj dalejšaha raźvićcia kompleksu.
Kamientary