Machlary stvaryli kłon časopisa BDU i zarablali na publikacyjach u im
U Biełaruskim dziaržaŭnym univiersitecie paviedamili pra pieršy ŭ Biełarusi zafiksavany vypadak machlarstva ŭ navukovaj śfiery, źviazany sa stvareńniem falšyvaha sajta navukovaha vydańnia.
Pa słovach dyrektara Fundamientalnaj biblijateki BDU Uładzimira Kułažanki, havorka idzie pra kłon sajta časopisa «Časopis Biełaruskaha dziaržaŭnaha ŭniviersiteta. Historyja». Złamyśniki stvaryli internet-resurs, jaki vizualna amal poŭnaściu paŭtaraje aryhinalny sajt, tamu adroźnić padrobku ad sapraŭdnaha vydańnia vielmi składana.
Jak havoryć pradstaŭnik univiersiteta, falšyvy sajt dziejničaŭ niekalki miesiacaŭ. Na im byli raźmieščanyja sapraŭdnyja archivy navukovych artykułaŭ za pieryjad z 2017 hoda da siaredziny 2025-ha, što pavyšała davier karystalnikaŭ. Adnak usie materyjały, apublikavanyja paśla hetaha pieryjadu, užo nie źjaŭlajucca sapraŭdnymi i ličacca skampramietavanymi.
Schiema machlarstva była raźličanaja jak na aŭtaraŭ, tak i na navukovuju supolnaść u cełym. Afierysty mahli atrymlivać hrošy za publikacyju materyjałaŭ, a taksama prapanoŭvać aŭtaram «pasłuhi» pa pavyšeńni cytavanaści. U teoryi heta mahło navat pryvieści da traplańnia takich artykułaŭ u aŭtarytetnyja mižnarodnyja bazy danych, što stvaraje ryzyki dla ŭsioj sistemy navukovych publikacyj.
U BDU padkreślivajuć, što ŭžo prymajuć miery dla likvidacyi padroblenaha resursu. Navukoŭcam i aŭtaram rekamiendujuć uvažliva praviarać adrasy sajtaŭ i karystacca tolki aficyjnymi krynicami, raźmieščanymi na partałach ustanoŭ — zasnavalnikaŭ vydańniaŭ.
U milicyi minčuku patłumačyli, što jon vykonvaŭ zadańni machlaroŭ. Ale jon nie pasłuchaŭ
Machlary abdurvajuć piensijanieraŭ, abiacajučy vypłaty da Dnia pieramohi
Minčanka pryjechała ŭ Homiel, zasialiłasia ŭ haścinicu i stała čakać viartańnia 200 tysiač rubloŭ
Para padmanvała mužčyn na sajtach znajomstvaŭ — klunuli 60 čałaviek
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
Falšyŭka ź Litvy :)
Skład redakcyjnaj kamisii dziŭny: imiony sapraŭdnych redaktaraŭ biez proźviščaŭ. Apošnija vypuski falsifikavanyja z dapamohaj ŠI, i ŭvohule skład aŭtaraŭ nibyta źmianiŭsia ź pieravažna biełaruskich na całkam mižnarodny kalektyŭ.