BiełTA padmanvaje, što Haraŭskaha ŭ Šviejcaryi sudziać za samaabhavor
Napraŭdzie jaho sudziać za saŭdzieł u zabojstvie Juryja Zacharanki, Viktar Hančara i Anatola Krasoŭskaha ŭ 1999 hodzie.
Łukašysty, nie mohučy zusim praminuć maŭčańniem sud u Šviejcaryi nad byłym udzielnikam łukašenkaŭskich «eskadronaŭ śmierci» Juryjem Haraŭskim, sprabujuć prynamsi naviazać svaju viersiju taho, za što hety čałaviek apynuŭsia na łavie padsudnych. Maŭlaŭ, jaho sudziać za samaabhavor i ŭviadzieńnie suda ŭ zman.
«Raniej jon zajaviŭ, što nibyta źjaŭlajecca byłym rabotnikam SACHR i datyčny da niejkich zabojstvaŭ i vykradańniaŭ. U Šviejcaryi jamu nie pavieryli, i ciapier Haraŭskaha sudziać za samaabhavor i ŭviadzieńnie suda ŭ zman. Takim čynam, šviejcarski sud patraciŭ čas na zaviedama chłuślivyja pakazańni, jakija Haraŭski vydavaŭ za praŭdzivyja», — śćviardžaje dziaržaŭnaje infarmahienctva BiełTA.
U jakaści dokazu takoj aryhinalnaj viersii padajucca tolki słovy staršyni praŭładnaj Libieralna-demakratyčnaj partyi, deputata Aleha Hajdukieviča, jaki ŭpeŭnieny, što Haraŭski — «zvyčajny bandyt, machlar, chłus i zdradnik, tamu jaho zusim nie škada. Jon prosta chacieŭ chajpanuć, raskazać niejkuju kazku, kab za heta atrymać prytułak i hrošy».
Akramia taho, Hajdukievič taksama skazaŭ, što, maŭlaŭ, niezaležnyja ad režymu biełaruskija resursy sud aśviatlajuć, ale nie kažuć, za što nasamreč sudziać Haraŭskaha:
«Jany ž nie mohuć pryznacca ŭ tym, što drukujuć chłuśniu i padman. Jany zajmajucca raspaŭsiudžvańniem chłuśni i dyskredytacyjaj krainy. Jany ž tak anansavali intervju ź im, a akazałasia, što ŭsio heta chłuśnia».
Sapraŭdnaja chłuśnia, adnak, toje, što Haraŭskaha nibyta sudziać za samaabhavor i ŭviadzieńnie suda ŭ zman. Nasamreč prakuratura Šviejcaryi abvinavaciła eks-bajca SACHRa ŭ datyčnaści da hvałtoŭnaha źniknieńnia ludziej.
Kali sudździa i dva prysiažnyja zasiadacieli pryznajuć Haraŭskaha vinavatym, heta stanie abvinavaŭčym prysudam i dla biełaruskaha režymu, jak ličać jurysty. Prysud majuć vynieści ciaham nastupnaha tydnia, prakuror zaprasiŭ try hady źniavoleńnia.
U Šviejcaryi skončyŭsia sud nad byłym bajcom «eskadrona śmierci» Haraŭskim
Prakuror zaprasiŭ dla eks-śpiecnazaŭca pa spravie źnikłych apanientaŭ Łukašenki 3 hady źniavoleńnia
«Kali vam stała zrazumieła, što Zacharanku źbirajucca zabić?» — «Kali Paŭličenka streliŭ u jaho». Haraŭski daje pakazańni
«Spadziajusia na abvinavaŭčy prysud». U Šviejcaryi pačynajecca sud nad eks-bajcom «eskadrona śmierci» Haraŭskim
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary