Pra toje, što ŭ babrujskaj kałonii № 2 dadatkova ŭskładniajuć umovy dla ŭtrymańnia viaźniaŭ, daviedaŭsia telehram-kanał Mayday.team.
Pavodle infarmacyi kanała, u Babrujsku pierastali prymać rečavyja pieradačy z vopratkaj dla źniavolenych.
Z pačatku minułaha tydnia ŭ hetaj kałonii robu, ciełahrejki i abutak bolš niamožna zakazvać u atelje ci kuplać u śpiecyjalizavanych kramach. Asudžanyja abaviazany nasić tolki toje, što im vydajuć u kałonii, prytym apłačvać hetuju vopratku.
Svajaki asudžanych sutyknulisia z masavaj admovaj u pryjomie takoha adzieńnia napiaredadni zimovaha siezonu, navat niahledziačy na toje, što ŭ niekatorych vypadkach zajavy na pieradačy byli ŭzhodnienyja i padpisanyja načalstvam, a sami pradmiety zamoŭlenyja i apłačanyja. Aficyjna administracyja nijakich tłumačeńniaŭ nie daje, nijakich aficyjnych abjaŭ taksama nie było.
Ciapier svajaki viaźniaŭ sprabujuć pieradać im choć by termabializnu.
Mała hetaha, z 1 kastryčnika kolkaść telefonnych zvankoŭ, jakija asudžanyja mohuć rabić dadomu, skarocicca da troch na miesiac. Kali ciapier viaźni telefanujuć svajakam raz na tydzień, to z nastupnaha miesiaca pieryjadyčnaść budzie tolki adzin raz na dziesiać dzion.
Praciahłaść razmovy zastaniecca raniejšaj — 15 chvilin. Adnak buduć uviedzienyja novyja praviły: kali ciapier asudžanyja mohuć patelefanavać dvum-trom abanientam pa čarzie (naprykład, baćkam i žoncy), to ŭ budučyni možna budzie nabrać tolki adzin numar, za čym žorstka stanuć sačyć kantralory kałonii.
Praviły adbyćcia pakarańnia ŭ Babrujskaj PK-2 stali ŭzmacniacca z pačatku vieraśnia paśla taho, jak byŭ pryznačany novy načalnik apieratyŭna-režymnaha adździeła ŭstanovy.
Pierastanoŭki ŭ kiraŭnictvie kałonii stali vynikam pravierki, praviedzienaj praz samahubstva asudžanaha ŭ siaredzinie lipienia.
Prapała suviaź z adnym z «rejkavych partyzan». Svajaki źniavolenaha aścierahajucca najhoršaha
Palitviaźnia, jakoha nie vypuścili paśla zakančeńnia terminu, asudzili pa novaj kryminalnaj spravie
«Heta moj adkaz hetamu ŭsiamu». Biełaruska ŭ kałonii navučyłasia pracavać na redkaj šviejnaj mašyncy, a ciapier šyje na takoj nataŭskija bałakłavy
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv16
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3232
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie32
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary