Palitviaźnia, jakoha nie vypuścili paśla zakančeńnia terminu, asudzili pa novaj kryminalnaj spravie
U sudzie Leninskaha rajona Hrodna z 10 žniŭnia pa 1 vieraśnia razhladali novuju kryminalnuju spravu suprać palitviaźnia Dźmitryja Suščyka. Hetym razam jaho abvinavacili pavodle art. 411 Kryminalnaha kodeksa (złosnaje niepadparadkavańnie patrabavańniam administracyi turmy). Sudździa Natalla Kozieł pryznała Dźmitryja vinavatym i pryznačyła jamu ŭ dadatak da paŭtara hadoŭ źniavoleńnia jašče adzin hod i 15 dzion kałonii. Pry hetym Dźmitryj pavinien byŭ u žniŭni vyjści na volu, całkam adbyŭšy termin, ale byŭ znoŭ zatrymany pa novaj spravie i źmieščany pad vartu, piša «Viasna».
Žychara Navahrudka Dźmitryja Suščyka 17 lutaha 2022 hoda zatrymali rasijskija pamiežniki, kali toj sprabavaŭ vyjechać ź Biełarusi. Pravaabaroncam viadoma, što paśla zatrymańnia ź im pravodzili «dopyt» u lesie, padčas jakoha ŭžyvali psichałahičny i fizičny hvałt. Užo praź miesiac Dźmitryja asudzili pavodle č. 1 art. 368 KK (abraza Łukašenki) i art. 370 KK (ździek ź dziaržaŭnych simvałaŭ) na paŭtara hoda kałonii.
Termin palitviazień adbyvaŭ u aršanskaj kałonii №8, dzie adrazu paśla prybyćcia na jaho pačali cisnuć: źmiaščali ŭ ŠIZA, a potym pieraviali ŭ PKT.
U pačatku vieraśnia 2022 hoda ŭ Oršy adbyŭsia sud pa ŭzmacnieńni režymu palitviaźniu. Pa rašeńni suda Dźmitryja pieraviali na turemny režym i nakiravali ŭ hrodzienskuju turmu №1. Pa prybyćci tudy jamu adrazu było vypisana dva parušeńni, paśla čaho mužčynu źmiaścili ŭ ŠIZA.
Termin adbyćcia pakarańnia ŭ Dźmitryja zakančvaŭsia 18 žniŭnia, ale jon zastaŭsia pad vartaj u miežach novaj kryminalnaj spravy.
U sudzie Leninskaha rajona Hrodna 10 žniŭnia 2023 hoda nad palitviaźniem raspačaŭsia sud pavodle art. 411 KK (złosnaje niepadparadkavańnie patrabavańniam administracyi turmy). Spravu razhladała sudździa Natalla Kozieł.
Užo 1 vieraśnia sud pryznačyŭ jamu ŭ dadatak da paŭtara hadoŭ kałonii jašče adzin hod i 15 dzion pazbaŭleńnia voli.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy60
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary