Prezident Nahornaha Karabacha padpisaŭ ukaz ab spynieńni isnavańnia respubliki
Zhodna z ukazam prezidenta Samvieła Šachramaniana, Nahorna-Karabachskaja Respublika spynić svajo isnavańnie 1 studzienia 2024 hoda. Usie dziaržustanovy NKR buduć raspuščanyja.
Va ŭkazie taksama havorycca, što nasielnictvu Nahornaha Karabacha treba «aznajomicca z umovami reintehracyi, pradstaŭlenymi Azierbajdžanskaj Respublikaj, z metaj pryniaćcia ŭ dalejšym samastojnaha i indyvidualnaha rašeńnia ab mahčymaści znachodžańnia (viartańnia) u Nahornym Karabachu».
Były ministr zamiežnych spraŭ Nahornaha Karabacha David Babajan pryniaŭ rašeńnie zdacca ŭładam Azierbajdžana.
«Vy ŭsio viedajecie, što ja ŭklučany ŭ čorny śpis Azierbajdžana, i azierbajdžanski bok zapatrabavaŭ majho prybyćcia ŭ Baku dla adpaviednaha rasśledavańnia. Ja pryniaŭ rašeńnie nakiravacca siońnia sa Ściepanakierta ŭ [horad] Šuša», — paviedamiŭ Babajan. Pavodle jaho słoŭ, hetaje rašeńnie «pryčynić mocny bol, chvalavańnie i stres, u pieršuju čarhu, maim blizkim, ale jany, upeŭnieny, zrazumiejuć».
Učora azierbajdžanskija vajskoŭcy ŭ Łačynskim kalidory zatrymali eks-kiraŭnika Nahornaha Karabacha Rubiena Vardaniana, kali jon źbiraŭsia vyjechać u Armieniju.
***
Respublika Nahorny Karabach (Respublika Arcach) była abvieščanaja ŭ vieraśni 1991 hoda na terytoryi Nahorna-Karabachskaj aŭtanomnaj vobłaści i Šaŭmianskaha rajona Azierbajdžana, jana tak i nie była nikim pryznanaja. U čas pieršaj karabachskaj vajny ŭ pačatku 1990-ch Armienija zachapiła niekalki azierbajdžanskich rajonaŭ pamiž Nahornym Karabacham i ŭłasna Armienijaj.
U čas 44-dzionnaj vajny ŭvosień 2020 hoda Azierbajdžan advajavaŭ častku terytoryi Nahornaha Karabacha i viarnuŭ niekalki rajonaŭ.
Na minułym tydni ŭ vyniku małankavaj vajny z Azierbajdžanam Nahorny Karabach kapitulavaŭ. Z rehijona pačaŭsia sychod armianaŭ u Armieniju. Stanam na ranicu čaćviarha Nahorny Karabach pakinuli ŭžo 65 000 čałaviek. Usiaho ŭ rehijonie, jaki armianie nazyvajuć Arcach, na pačatak 2023 hoda žyło 120 tysiač čałaviek.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali4
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary